या प्रकरणाचा छडा लावण्यासाठी तब्बल 300 बेपत्ता तक्रारी आणि 69 किडनैपिंग केसेसचा तपास करण्यात आला होता. शिवाय, तीन पथके वेगवेगळ्या पद्धतीने तपास करीत होते. अखेर पोलिसांच्या प्रयत्नांना यश आलं आणि आरोपी जेरबंद करण्यात आलं.

24 ऑगस्ट रोजी तिरु नदीच्या किनाऱ्यावर एका निळ्या सुटकेसमध्ये एका महिलेचा मृतदेह असल्याचे समोर आले होते. सडलेल्या अवस्थेतील या मृतदेहाची ओळखही पटली नव्हती. त्यामुळे या प्रकरणाचा उलगडा करणे पोलिसांसमोर मोठे आव्हान होते. मात्र, टीमवर्क असेल तर काय होऊ शकते हे लातूर पोलिसांनी दाखवून दिले आहे.
Crime Diary: दादा नको न असं करु; बहिणीचं ऐकताच त्याची सटकली, कुऱ्हाड घेतली अन्… भयंकर घटनेने संपूर्ण गाव सुन्न
घटनास्थळावरील सर्व पुरावे एकत्र करुन प्रत्येक गोष्टीचा छडा लावण्याचा निर्णय पोलिसांनी घेतला. एवढेच नाही तर तीन पथकांची नेमणूक करुन प्रत्येकाकडे कामाची जबाबदारी सोपविण्यात आली होती. ज्या दिवशी घटना समोर त्याच दिवशी उदगीर ग्रामीण पोलिसांनी घटनास्थळी आढळून आलेली सुटकेसची विक्री उदगीर शहरातील कोणत्या दुकानातून झाली का? याचा तपास केला. मात्र, अशाप्रकारची सुटकेस कुठून घेतली याची सुद्धा कसून चौकशी केली.

उदगीर ग्रामीण पोलिसांची तत्परता

सुटकेसमध्ये मृतदेह आढळून आल्यानंतर मिसिंगची तक्रार देण्यासाठी कोणी आल्यावर त्याची कसून चौकशी करण्याच्या सूचना पोलिस अधीक्षकांनी जिल्ह्यातील सर्वच ठाणे प्रमुखांना दिल्या होत्या. त्यानुसार, जिया उल हक हा मिसिंगची तक्रार देण्यासाठी उदगीर ग्रामीण पोलीस ठाण्यात गेला असता त्याने पत्नीचे केलेले वर्णन आणि आढळून आलेला मृतदेह यामध्ये साम्य वाटत असल्याने अंमलदार बालाजी शिंदे यांनी पोलिस निरीक्षक राजकुमार पूजारी यांना माहिती दिली. गोपनीय शाखेच्या पोलिसांनी खाक्या दाखविताच घटनाक्रम समोर आला.
Crime Diary: प्रेमविवाहाचा 77 दिवसांत भयंकर शेवट; बाजारातून घरी आले अन् एकाच ओढणीने दोघांनी आयुष्य संपवलं
उदगीर ग्रामीण पोलिस ठाण्यात पत्नीची मिसिंगची तक्रार दाखल करण्यास आलेल्या जिया उल हक याच्या हालचाली आणि सापडलेल्या मृतदेहावरुन तयार करण्यात आलेले महिलेचे स्केच यामध्ये ठाणे अंमलदार यांना साम्य वाटले. शिवाय 20 ऑगस्टला पत्नी मिसिंग असेल तर 3 सप्टेंबरला तक्रार कशी दाखल केली. यावरुन उडवाउडवीची उत्तरे देणारा जिया उल हक हा पोलिसांच्या जाळ्यात सापडला. पोलिसांनी खाक्या दाखविताच त्याने सर्व घटनाक्रमही सांगितला.

जिया उल हक याने आपल्या साथीदारासह स्वःताच्या पत्नीचा गळा दाबून खून केला आणि मृतदेह तिरु नदीत फेकून दिल्याचे समोर आले. मात्र, कोणताही ठोस पुरावा नसताना स्थानिक गुन्हे शाखा, वाढवाणा पोलिस ठाणे आणि उदगीर ग्रामीण पोलीस ठाण्याच्या पथकाने जी कामगिरी केली त्याचे सर्वस्तरातून कौतुक होत आहे.