या प्रकरणी खडकपाडा पोलीस ठाण्यात तक्रार दाखल करण्याची प्रक्रिया सुरू आहे. दरम्यान, रुग्णालय प्रशासनानं आपला निष्काळजीपणा नसल्याचं सांगत ‘बाळाला दूध पाजल्यानंतर ढेकर न आल्यानं मृत्यू झाल्याची शंका व्यक्त करत बालिकेचा मृतदेह पोस्टमार्टमसाठी पाठवला आहे, त्यानंतर सत्य बाहेर येईल,’ अशी प्रतिक्रिया दिली आहे.

सर्वात मोठी बातमी! लालबागच्या राजाचं विसर्जन आणखी काही तास रखडणार, आता रात्रीच बाप्पाला निरोप

बाळाच्या मृत्यूनंतर बाळाचे वडील अजरुद्दीन मनसुरी यांनी खडकपाडा पोलीस ठाण्यात तक्रार दाखल असून त्यांनी कल्याण डोबिंवली महानगरपालिका प्रशासनाशी या घटनेसंदर्भात संपर्क केलाय. दरम्यान, बाळाचा पोस्टमार्टम अहवाल आल्यानंतर कारवाई करण्यात येईल, असं स्पष्टीकरण आरोग्य विभागाचे उपायुक्त प्रसाद बोरकर यांनी दिलं आहे.

एसटी बसचा भीषण अपघात!

कल्याण एसटी आगाराच्या बसेसच्या अपघातांचे सत्र काही केल्या थांबण्याचे नाव घेत नाही आहे. बसचे पुढचे चाक निखळून झालेल्या अपघाताला काही आठवडे उलटत नाहीत, तोच आज सकाळी पुन्हा एकदा बसचा स्टेअरिंग रॉड तुटून अपघाता झाला. यावेळीही बस झाडाला धडकल्याने सुदैवाने मोठा अनर्थ टळला असला तरी एसटी प्रशासन सुरक्षेत सुस्त कारवाई करत आहे का? असा संतप्त सवाल उपस्थित केला जात आहे.

Pune Komkar Gangwar: वर्षभरापूर्वीच कट रचला, चौघांनी एकट्याला गोळ्या घातल्या; आयुष कोमकर हत्या प्रकरणाची इनसाईड स्टोरी

आज सकाळी कल्याण आगाराची ही बस सुमारे 20 ते 25 प्रवाशांना घेऊन माळशेज मार्गे आळेफाटा येथे निघाली होती. मात्र मुरबाडच्या पुढे असलेल्या गावाजवळून ही बस जात असताना अचानक बसच्या स्टेअरिंगचा रॉड तुटल्याने ही बस थोडी पुढे जाऊन रस्त्यावरून खाली उतरली. आणि रस्त्याशेजारी झुडपांमध्ये असलेल्या झाडाला या बसने धडक दिली. ज्यामध्ये बसच्या उजव्या भागाचे काही नुकसान झाले आणि बसमधील काही प्रवाशांना किरकोळ मार लागल्याची प्राथमिक माहिती समोर येत आहे. तर वाहकालाही मुका मार लागल्याचे सांगण्यात येत आहे.