यावेळी मंडळाचे मुख्य अधिकारी शिवकुमार आवळकंठे, मुख्य अभियंता धीरजकुमार पंदिरकर, उपमुख्य कार्यकारी अधिकारी अनिल वानखडे यांच्यासह अनेक वरिष्ठ अधिकारी उपस्थित होते. ही सोडत 20 टक्के सर्वसमावेशक गृहनिर्माण योजनेअंतर्गत आयोजित करण्यात आली आहे. या सोडतीची संपूर्ण प्रक्रिया ऑनलाइन आणि पारदर्शक असेल, असं म्हाडाचे उपाध्यक्ष संजीव जयस्वाल यांनी सांगितलं आहे.

Pune Daund Crime : पुणे पुन्हा हादरलं, गणेशोत्सवादरम्यान जिल्ह्यात दुसरा मर्डर, सैराटची पुनरावृत्ती, तो संपला तरी ते…

त्यांनी नागरिकांना कोणत्याही मध्यस्थाच्या मदतीशिवाय, थेट म्हाडाच्या अधिकृत वेबसाइट किंवा ॲपवरून अर्ज करण्याचे आवाहन केलं आहे. म्हाडाने विकसित केलेली प्रणाली अत्यंत सोपी आणि सुरक्षित आहे. त्यामुळे फसवणुकीची शक्यता नाही. या सदनिका अल्प उत्पन्न गटातील अर्जदारांसाठी उपलब्ध आहेत. नाशिक मंडळाची ही या वर्षातील तिसरी सोडत असून, यापूर्वी 379 सदनिका, 105 दुकाने आणि 32 भूखंडांचे यशस्वी वितरण मंडळानं केलं आहे. ही घरं 15.51 लाख ते 27.10 लाख रुपयांमध्ये उपलब्ध होणार आहेत.

ऑनलाईन अर्ज नोंदणीची सुरुवात 4 सप्टेंबर 2025 दुपारी 1 वाजल्यापासून सुरु झालीय. ऑनलाईन अर्ज नोंदणीची अंतिम मुदत 3 ऑक्टोबर 2025 रात्री 11.59 वाजेपर्यंत आहे. अर्ज सादर करण्याची अंतिम मुदत 3 ऑक्टोबर 2025 रात्री 11.59 वाजेपर्यंत आहे. तर ऑनलाइन अनामत रक्कम भरण्याची अंतिम मुदत 3 ऑक्टोबर 2025 रात्री 11.59 वाजेपर्यंत आहे. तसेच RTGS/NEFT द्वारे भरणा 4 ऑक्टोबर 2025 रोजी संबंधित बँकेच्या कार्यालयीन वेळेपर्यंत तुम्ही करु शकतात. अंतिम यादीची प्रसिद्धी 17 ऑक्टोबर 2025 रोजी दुपारी 12.00 वाजता होणार आहे.

Nashik News : नाशिकला लवकरच तीर्थक्षेत्राचा दर्जा? साधू समुदायाच्या मागणीला जिल्हा प्रशासनाकडून गती

दरम्यान, या सोडतीत गंगापूर शिवार (50), देवळाली शिवार (22), पाथर्डी शिवार (64), म्हसरुळ शिवार (196), नाशिक शिवार (14) आणि आगर टाकळी शिवार (132) या ठिकाणी सदनिका उपलब्ध आहेत. इच्छुक अर्जदारांनी कोणत्याही एजंट किंवा सल्लागाराकडून अर्ज न करता, म्हाडाच्या अधिकृत संकेतस्थळावरूनच अर्ज करण्याचं आवाहन संजीव जयस्वाल यांनी केलं आहे.