रत्नागिरी जिल्ह्यातील चिपळूण शहर बाजारपेठेतील इंडिया ट्रेडिंग कंपनी ही तब्बल 60 वर्षांपेक्षा जुनी कंपनी म्हणून ओळखली जाते. ज्येष्ठ व्यापारी सुधीर लोवलेकर यांचे वडील ज्येष्ठ सामाजिक कार्यकर्ते कै. आप्पाशेठ लोवलेकर, अण्णा तांबे, वैद्य आदींनी ही कंपनी स्थापन करण्यासाठी पुढाकार घेतला. सुधीरशेठ लोवलेकर यांचे वडील स्वर्गीय अप्पा लोवलेकर यांनी आणीबाणीत काहीकाळ तुरुंगवासही भोगला होता. ते जनसंघाचे कार्यकर्ते होते, त्यानंतर व्यापारी नेते म्हणून जिल्ह्यात मोठं काम केलं होतं. या कुटुंबाचा सामाजिक क्षेत्रात मोठा सहभाग आहे. त्यानंतर सुधीरशेठ लोवलेकर यांनीही व्यापारी क्षेत्रात मोठं काम केलं होतं. अशी आठवण चिपळूण शहरातील ज्येष्ठ व्यापारी व माजी उपनगराध्यक्ष बापूसाहेब काणे यांनी सांगितली.

Mumbai Accident : लालबागच्या राजाच्या प्रवेशद्वाराजवळ अनर्थ, भरधाव वाहनानं दोन चिमुकल्यांना चिरडलं; बहिणीचा मृत्यू, भाऊ गंभीर

चिपळूण शहरातील ज्येष्ठ व्यापारी सुधीर केशव लोवलेकर हे गेले काही दिवस अल्पशा आजाराने त्रस्त होते. पुणे येथे काल 5 सप्टेंबर रोजी सायंकाळी उपचार सुरू असताना त्यांची प्राणज्योत मालवली. अनेक सामाजिक कार्यात व व्यापारी संघटनेत त्यांचा सक्रिय सहभाग असायचा. अतिशय मनमिळाऊ व्यापारी आपण गमावला आहे, अशा शब्दात चिपळूण व्यापारी संघटनेच्या पदाधिकाऱ्यांनी व त्यांच्या निकटवर्तीयांनी आपल्या शोकभावना व्यक्त केल्या आहेत. त्यांच्या पश्चात भाऊ, बहीण, पत्नी, दोन मुली यातील एक विवाहित मुलगी ही जर्मनी येथे वास्तव्यास असते, ती आल्यानंतर पुण्यात उद्या रविवारी 7 सप्टेंबर रोजी वैकुंठ स्मशानभूमी त्यांच्यावर अंत्यसंस्कार होणार आहेत, अशी माहिती त्यांच्या निकटवर्तीयांनी दिली.

सुधीरशेठ लोवलेकर यांच्या अचानक जाण्याने कुटुंबावर दु:खाचा डोंगर कोसळलेला आहे. त्यांनी एक मुलगी जर्मनीला वास्तव्यास असल्याने त्यांच्यावर उद्या अंत्यसंस्कार होणार आहेत.