एकीकडे राज्य सरकारकडून लाडकी बहीणसारख्या योजना राबवल्या जातात, तर दुसरीकडे आयपीएस महिला अधिकाऱ्याला दमदाटी केल्याचे प्रकार समोर येतायत. उपमुख्यमंत्री अजित पवार यांनी दमदाटी केल्याचा व्हिडिओ व्हायरल झाला आहे. याप्रकरणी शिवसेनेच्या नेत्या नीलम गोऱ्हे यांना माध्यमांनी प्रश्न विचारला. याविषयी अजित पवारच स्पष्टीकरण देतील असे सांगत गोऱ्हेंनी अधिक बोलणं टाळलं.
