मध्य आणि पश्चिम रेल्वेमार्गांवर सध्या धावणाऱ्या लोकलची बांधणी स्वतंत्र पद्धतीने आणि वैशिष्ट्यपूर्ण रितीने झाली आहे. सर्व लोकलमध्ये एकसूत्रता आणण्यासाठी नव्याने बांधणी होणाऱ्या लोकलसाठी काही वैशिष्ट्ये निश्चित करण्यात येत आहेत. यासाठी मुंबई रेल्वे विकास महामंडळ (एमआरव्हीसी), ‘इंटिग्रल कोच फॅक्टरी’ (आयसीएफ) आणि ‘रेल्वे डिझाइन ॲण्ड स्टॅण्डर्ड ऑर्गनायझेशन’ (आरडीएसओ) यांची समिती स्थापन करण्यात आली आहे.
पुणे-नाशिक महामार्ग एलिव्हेटेड होणार, दोन तासांचा प्रवास अवघ्या २० मिनिटांवर; कुठून, कसा असणार मार्ग?
महामुंबईतील लोकल संपूर्णपणे वातानुकूलित केल्यानंतर, दरवाजा उघड-बंद होण्याच्या प्रक्रियेसाठी लागणारा वेळ हा चिंतेचा विषय आहे. सध्याच्या वेळापत्रकाप्रमाणे लोकल चालवण्यासाठी लोकलच्या मोटरक्षमतेत वाढ करण्यात येणार आहे. लोकलचा प्रवेग (ॲक्सेलेरेशन) अर्थात फलाट सोडल्यानंतर अल्पावधीत कमाल वेग गाठणे आणि मंदन क्षमता (डिसेलेरेशन) अर्थात ब्रेक कार्यान्वित करताना किमान वेळेत वेग कमी होणे या प्रक्रियेत सुधारणा करण्यात येत आहे.
मुंबईत आणखी दोन नव्या मेट्रो मार्गिका, दहिसर ते भाईंदर आणि मंडाळा ते चेंबूर या मार्गांवर काम सुरू; कुठे असणार स्टेशन?
लोकलच्या प्रवेग क्षमतेत सध्याच्या तुलनेत ३० टक्के, तर मंदन क्षमतेत २५ टक्के वाढ करण्यात येईल. यामुळे दरवाजा उघड-बंद होण्यामध्ये वाया जाणारा वेळ भरून निघण्यास मदत होईल. नव्या लोकलमध्ये दर दोन डब्यांसाठी प्रत्येकी चार मोटर डबे जोडल्याने ही सुधारणा शक्य होणार आहे. मोटर यंत्रणा लोकलच्या खाली असेल, असे वरिष्ठ अधिकाऱ्यांनी सांगितले.

एसी लोकलमध्ये मेट्रोच्या धर्तीवर सुविधा असतील. नव्या लोकलमध्ये २५ टन क्षमतेची यंत्रणा असेल. सध्या १५ टन एसी क्षमता आहे. वापरात असलेल्या एसी लोकलच्या आसनांबाबत तक्रारी लक्षात घेऊन नव्या लोकलमध्ये गादीची आसने असणार आहेत. प्रवाशांच्या माहिती आणि मनोरंजनासाठी स्क्रीन, तसेच मोबाइल चार्जर उपलब्ध करून देण्यात येतील.