पन्हाळ्याच्या कोडोली येथील आनंदनगर वसाहतीमध्ये शिवनेरी गल्ली येथे गावडे कुटुंब आनंदी आनंदात राहत होतं. या गावडे कुटुंबातील श्रावण अजित गावडे हा चौथीच्या वर्गात शिकणारा मुलगा आहे. सर्वत्र गणेशोत्सवाचा जल्लोष सर्वत्र सुरु असतानाच बुधवारी रात्री श्रावण इतर मुलांसोबत खेळत होता. मात्र अचानक आईच्या मांडीवर खेळकरपणे विसावलेल्या दहा वर्षांच्या श्रावण गावडे या चिमुकल्याचा अचानक हृदयविकाराच्या धक्क्याने मृत्यू झाला आहे.
Kolhapur News : वाद विकोपाला गेला, एका मित्राने दुसऱ्याला संपवलं; जुन्या मैत्रीचा भयंकर शेवट; कोल्हापुरात खळबळ
श्रावण आपल्या मित्रांसोबत गणेश मंडळाच्या शेडमध्ये खेळत होता. नेहमीप्रमाणे तो हसत-खेळत गप्पा मारत असतानाच अचानक त्याला अस्वस्थ वाटू लागले. चक्कर आल्यासारखं वाटू लागल्याने खेळ सोडून तो थेट घराकडे धावत आला आणि आईजवळ गेला. आईच्या कुशीत डोकं टेकवताच त्याला तीव्र हृदयविकाराचा झटका आला. आईच्या डोळ्यासमोरच मुलाने शेवटचा श्वास घेतल्याचे दृश्य पाहून आईने आर्त किंकाळी फोडली. आईने फोडलेला हंबरडा हृदय पिळवटून टाकणारा होता.

कुटुंबीय आणि शेजाऱ्यांनी श्रावणला तातडीने रुग्णालयात हलवले; मात्र डॉक्टरांनी तपासणीअंती त्याचा मृत्यू झाल्याचे स्पष्ट केले. श्रावण हा गावडे दांपत्याचा एकुलता एक मुलगा होता. श्रावणच्या अशा पद्धतीने अचानकपणे जाण्यामुळे संपूर्ण परिसराला धक्का बसला असून हळहळ व्यक्त होत आहे.
पतीला दुसऱ्या महिलेसोबत पाहिलं, पत्नीने पकडल्यानंतर तरुणाची थेट खाडीत उडी; दुसऱ्या दिवशी…

चार वर्षांपूर्वी बहिणीचाही करुण अंत

या दुर्दैवी प्रसंगामुळे गावडे कुटुंबावर दु:खाचा डोंगर कोसळला आहे. चार वर्षांपूर्वी या कुटुंबाने आपली मुलगीही गमावली होती. तिचा मृत्यू देखील हृदयविकारामुळेच झाला होता. त्यामुळे अल्पावधीतच दोन चिमुकले गमावल्याने कुटुंबियांचे दुःख अधिकच असह्य झाले आहे.

दरम्यान ऐन सणासुदीच्या काळात गावात सगळीकडे आनंदमयी आणि भक्तिपूर्ण वातावरण होते. मात्र, खेळाच्या वयात हृदयविकाराचा झटका आला ही बाब गावाला हादरवून सोडणारी ठरली आहे. श्रावणच्या आकस्मिक निधनाने केवळ गावडे कुटुंबातीलच नव्हे तर संपूर्ण परिसरातील आनंदाचे वातावरण क्षणात दुःखात पालटले आहे.

लहानांना येऊ शकतो का हृदयविकाराचा झटका?

कोल्हापुरातील हृदय रोगतज्ञ अक्षय बाफना यांनी सांगितलं आहे की, लहान मुलांना देखील हृदयविकाराचा झटका येऊ शकतो. लहान वयामध्ये हृदय विकाराचा झटका येण्याची तीन प्रमुख कारणे असतात.
1) अनुवांशिक कारणांमुळे हृदयाची काम करण्याची क्षमता कमी असते. अशा वेळी जास्त धावपळ केल्यानंतर अचानक हृदयावर ताण येऊन हृदयविकाराचा झटका येऊ शकतो किंवा हृदय काम करणं बंद करु शकतं
2) हृदयाला रक्तपुरवठा करणाऱ्या रक्तवाहिन्या काही वेळा असामान्य असतात, त्यामुळे धावपळ करताना एकाएकी त्या चिमटून हृदयाला रक्तपुरवठा कमी पडतो. अशावेळी देखील हृदयविकाराचा झटका येऊ शकतो.
3) बाहेरुन संसर्ग होऊन देखील हृदय विकाराचा झटका येऊ शकतो. याला ‘कावासकी डिसिज’ असे म्हणतात.