राष्ट्रीय बाल संरक्षण आयोगाच्या माजी चेअरमन प्रियांका कानूनगो यांनी एक्सवर एक पोस्ट केल्यावर हलाल लाईफस्टाईल प्रकल्प चर्चेत आला. त्यांनी प्रकल्पाच्या जाहिरातीचा व्हिडीओ शेअर केला. देशात एक देश तयार करण्याचा हा प्रयत्न असल्याचं कानूनगो म्हणाल्या. यानंतर विकासकानं सोशल मीडियावरुन व्हिडीओज हटवले. पण त्यामुळे वाद थांबला नाही. जाहिरातीत हिजाब परिधान केलेली एक महिला आणि नमाज अदा करणारा एक पुरुष दाखवण्यात आलेला आहे.
Crime News : लग्नाचं आमिष देऊन गर्लफ्रेंडसोबत शारीरिक संबंध, प्रेग्नंट झाल्यावर बॉयफ्रेंडच्या मित्राकडून गर्भपाताच्या गोळ्या; पुढे जे घडलं…
राष्ट्रीय मानवाधिकार आयोगानं (एनएचआरसी) या संपूर्ण प्रकरणावरुन राज्य सरकारच्या प्रधान सचिवांच्या नावे नोटिस जारी केली आहे. पुढील २ आठवड्यांत या प्रकरणी उत्तर देण्याच्या सूचना सचिवांना देण्यात आलेल्या आहेत. सुकून एम्पायर नावाच्या बहुमजली गृह प्रकल्पात केवळ मुस्लिमांना घरं विकली जाणार आहेत. जाहिरातीत तसा उल्लेख करण्यात आलेला आहे. या प्रकल्पात मिळणाऱ्या सुविधांची माहिती विकासकाकडून देण्यात आली आहे.

मुस्लिमांसाठी खास हलाल सोसायटी प्रकल्प ओसिस डेव्हलपरकडून उभारला जात आहे. या प्रकल्पात लक्झरी फ्लॅट असतील. जलतरण तलाव, मुलांसाठी खेळाचं खास मैदान अशा सुविधांसोबतच प्रकल्पात एक मशीदही असेल. तिथे मुस्लिमांना नमाज अदा करता येईल. इस्लाम धर्म आचरणात आणणाऱ्या लोकांनाच या प्रकल्पात घरं खरेदी करता येतील.
Crime Diary: प्रेमविवाहाचा 77 दिवसांत भयंकर शेवट; बाजारातून घरी आले अन् एकाच ओढणीने दोघांनी आयुष्य संपवलं
सुकून एम्पायरचा प्रोजेक्टचं नाव हलाल लाईफस्टाईल असेल. सुकून बिल्डर अँड डेव्हलपरकडून या प्रोजेक्टची उभारणी सुरु आहे. एका हलाल अपार्टमेंटची किंमत १.१६ कोटी रुपयांपासून सुरु होईल. फ्लॅटची किंमत मजल्यांनुसार बदलेल. फ्लॅटमध्ये ७७२ चौरस फुटांचा कार्पेट एरिया मिळेल, अशी माहिती जाहिरातीत देण्यात आली आहे.

मुंबईपासून हाकेच्या अंतरावर असलेल्या कर्जतमध्ये हलाल लाईफस्टाईल प्रोजेक्ट उभारला जात आहे. पाच वर्षांत प्रोजेक्टचं काम पूर्ण होईल. २०३० मध्ये प्रकल्प पूर्ण होईल, असं विकासकाकडून सांगण्यात आलेलं आहेत. धर्मावर आधारित जाहिरातीमुळे हा प्रकल्प वादात सापडला आहे. हलाल सोसायटीच्या उभारणीला हिंदू संघटनांनी विरोध सुरु केला आहे.