नेमकं काय घडलं?

ठाणे इथे राहणाऱ्या एका रिक्षा चालकाचे दुसऱ्या महिलेसोबत विवाहबाह्य संबंध होते. याची माहिती रिक्षा चालकाच्या पत्नीला समजली. पत्नीने पतीवर नजर ठेवली होती. पती दुसऱ्या महिलेसोबत लॉजवर गेल्याचं पत्नीला समजलं. तिने पतीचा पाठलाग करत त्या लॉजवर धाड टाकली. या घटनेने पतीची पाचावर धारण बसली होती. आपले विवाहबाह्य संबंध पत्नीला समजल्यानंतर त्याने बुधवारी मध्यरात्री आत्महत्येचा प्रयत्न केला.
अंगावरच्या कपड्यांची दोरी करुन खिडकीला बांधली अन्…; येरवड्यात महिला रुग्णाचा टोकाचा निर्णय, काय घडलं?

आयुष्य संपवण्याआधी पत्नीला फोन…

आत्महत्या करण्याआधी त्याने पत्नीला फोन केला. आपल्या चुकीबाबत त्याने पत्नीची माफी मागितली. त्यानंतर तो ऐरोली येथील खाडी पुलावर पोहोचला. पुलावरुन त्याने पत्नीची फोनवरुन माफी मागितली आणि आणि आपण आत्महत्या करत असल्याचं सांगितलं. तात्काळ काही नातेवाईक खाडी पुलावर पोहोचले आणि याची माहिती रबाळे पोलिसांनाही देण्यात आली.
Bhiwandi Crime : रील बघून ओळख, लव्ह मॅरेजनंतरही चारित्र्यावर संशय, नवऱ्याने बायकोला संपवलं, बॉडी सापडली पण… भिवंडीत खळबळ
पोलीस आणि अग्निशमन दलाकडून खाडीत उडी मारलेल्या पतीचा शोध सुरू करण्यात आला. पण अग्निशमन दलाच्या जवानांना कुठेही तो सापडला नसल्याने रात्री शोध मोहिम बंद करण्यात आली.

दुसऱ्या दिवशी गाळात अडकलेल्या अवस्थेत आढळला तरुण

त्यानंतर गुरुवारी सकाळी खाडी पुलापासून काही अंतरावर खाडीच्या गाळामध्ये एक तरुण अडकल्याची माहिती पोलिसांना मिळाली. पोलीस तात्काळ घटनास्थळी पोहोचले आणि गाळात अडकलेल्या व्यक्तीला बाहेर काढलं. पण गाळात अडकलेला व्यक्ती कोण होता हे तपासावेळी उघड झालं. पोलिसांनी केलेल्या चौकशीत पुलाखाली अडकलेला व्यक्ती त्याच महिलेचा पती असल्याचं समोर आलं. बुधवारी उडी मारलेल्या व्यक्तीला गुरुवारी पोलिसांनी बाहेर काढलं. दरम्यान, या घटनेने परिसरात एकच खळबळ उडाली आहे. मात्र पोलिसांकडून तरुणाला वाचवण्यात आलं असून गाळात अडकल्याने त्याचा जीव वाचला.