डोंबिवली पश्चिमेत महात्मा फुले रोड येथे जुनं तलाठी कार्यालय आहे. हे कार्यालय शनिवार आणि रविवारी सुट्टी निमित्त बंद होते. शनिवारी कार्यालयाचं कूलूप तोडण्यात आलं होतं. कोणीतरी आत शिरुन काही तरी गैरप्रकार केल्याचं समोर आलं. या प्रकरणात तलाठ्याने विष्णूनगर पोलिस ठाण्यात तक्रार दाखल केली आणि विष्णूनगर पोलिसांनी त्वरित गुन्हा दाखल करत या प्रकरणाचा शोध सुरु केला.

अतुल सावे ठरले सरकारचे ‘संकटमोचक’, ओबीसींच्या 14 पैकी 12 मागण्या मान्य आणि…

या तपासात तलाठी कार्यालयाचं कुलूप तोडण्यात आल्याचे समोर आलं आणि तिथे नवीन कुलूप लावण्यात आलं होतं. पोलिसांनी आजूबाजूच्या परिसरात चावीवाल्यांकडे चौकशी केली असता एका चावीवाल्यानं पोलिसांना सांगितलं की, त्या दिवशी माझा भाऊ होता, त्याला माहिती असेल. पोलिसांनी त्याच्या भावाकडे मोर्चा वळविला. त्याच्याकडे गेल्यावर असं कळाले की, विक्रम प्रधान नावाचा तरुण शनिवारी तलाठी कार्यालयात मला घेऊन गेला होता. त्याने तो मंत्रालयात कामाला असल्याचं सांगून कुलूप उघडून सांगत त्याने सरकारी ओळखपत्र दाखविले आणि मला त्या तरुणाने ३८० रुपये ऑनलाइनद्वारे दिले. त्याचा तपशील माझ्याकडे आहे.

‘लवकर लग्न करु अन् घर घेऊ’; महिला शिक्षिकेला फसवलं, बीडमध्ये माजी जिल्हा परिषद सदस्यावर अत्याचाराचा गुन्हा, ‘या’ पक्षाचा कार्यकर्ता…

दरम्यान, तोच तपशील घेऊन पोलिसांनी तरुणाचा शोध सुरु केला आणि आरोपी विक्रम प्रधान याला पोलिसांनी शोधून काढलं. विक्रमची याबाबत चौकशी केली असता पोलिसांसमोर अतिशय धक्कादायक प्रकार समोर आला आहे. याबाबत पोलिसांनी सांगितलं की, ‘विक्रम हा मंत्रालयात वित्त विभागात कंत्राटी पद्धतीनं शिपायाचं काम करतो.. जेव्हा त्याला विचारलं की, ‘तू तलाठी कार्यालयाचं कूलूप तोडून का बदललं?’. तेव्हा त्यानं सांगितलं की, ‘मला आपल्या देशाविषयी प्रचंड प्रेम आहे. मला देशासाठी लढणारे फायटर तयार करायचे आहेत. त्यांना प्रशिक्षण देण्यासाठी मला एका जागेची आवश्यकता होती. डोंबिवलीत मी जागा शोधत होतो आणि तलाठी कार्यालयाची जागा मला योग्य वाटली आणि त्याठिकाणी गुपित स्वरुपात ग्राऊंट फायटर क्लब सुरु करणार होतो,’ असं सांगितलं. त्यासाठी हे सगळं त्याने केलं अशी कबूली दिली. आता पोलिसांनी त्याला अटक करुन न्यायालयात हजर केलं असता त्याला प्रथम दोन दिवसांची पोलिस कोठडी दिली आणि त्यानंतर न्यायालयाने त्याची रवानगी आधारवाडी कारागृहात केली आहे.