महाराष्ट्र शासनाने 2025 सालासाठी राज्यात एकूण 24 सार्वजनिक सुट्टया डिसेंबर 2024 मध्ये जाहीर केल्या आहेत. राज्य सरकारने अधिसूचित केलेल्या 24 सार्वजनिक सुट्टयांपैकी ईद-ए-मिलादची सुट्टी शुक्रवार, दिनांक 5 सप्टेंबर 2025 रोजी दर्शवली आहे.

ईद-ए-मिलाद हा धार्मिक सण मुस्लिम समुदाय मोठ्या प्रमाणात साजरा करतो. यानिमित्ताने जुलूस कार्यक्रमाचे आयोजन करण्यात येते. शनिवार, 6 सप्टेंबर 2025 रोजी अनंत चतुर्दशी हा हिंदू सण असल्याने, राज्यात बंधुता आणि हिंदू-मुस्लिम ऐक्य राखण्यासाठी 21 ऑगस्ट 2025 रोजी विविध मुस्लिम संघटनांची बैठक झाली. त्या बैठकीत मुस्लिम समुदायाने सोमवार, दिनांक 8 सप्टेंबर 2025 रोजी मिरवणुकीचा कार्यक्रम आयोजित करण्याचा निर्णय घेतला आहे.

म्हणून आता महाराष्ट्र सरकारने विशेष अधिकारांचा वापर करुन मुंबई शहर आणि मुंबई उपनगर जिल्ह्यांमध्ये शुक्रवार 5 सप्टेंबर ऐवजी सोमवार 8 सप्टेंबर 2025 हा दिवस सार्वजनिक सुट्टी म्हणून जाहीर करण्यात येत आहे. मुंबई शहर आणि उपनगर जिल्ह्यांव्यतिरिक्त इतर जिल्ह्यांसाठी शुक्रवार 5 सप्टेंबर ही सार्वजनिक सुट्टीची तारीख कायम ठेवण्यात येत आहे.
Yogesh Alekari : जगभ्रमंतीवर निघालेल्या मराठमोळ्या ब्लॉगरला फटका, नवी मुंबईकर योगेश आलेकरींची बाईक यूकेमध्ये चोरीला, पैसे-पासपोर्ट गमावले

संभाजीनगरमध्ये पोलीस आयुक्तांचे आवाहन

दरम्यान, ईदचा सण उत्साहात आणि शांततापूर्ण वातावरणात साजरा करावा. तसेच या आनंद सोहळ्यात अफवा पसरवून शांतता भंग करणाऱ्यांची माहिती पोलिसांना तत्काळ द्यावी, असे आवाहन छत्रपती संभाजीनगर पोलिस आयुक्त प्रवीण पवार यांनी बुधवारी येथे केले.
ईद ए मिलादुन्नबीनिमित्त पोलिस आयुक्त कार्यालयात शांतता समितीचे सदस्य व लोकप्रतिनिधीच्या उपस्थितीत शांतता समितीची बैठक घेण्यात आली.

बैठकीत पोलिस आयुक्त पवार यांच्यासह ईद उल मिलादुन्नबी समितीचे डॉ. मुर्तुझा, एजाज जैदीसह पोलिस उपायुक्त पंकज अतुलकर, रत्नाकर नवले, यांच्यासह सहायक पोलिस आयुक्त तसेच प्रभारी अधिकारी यांच्यासह अमित भुईगळ, अरूण बोर्डे, गजानन बारवाल यांच्यासह ९० ते १०० पदाधिकारी व प्रतिष्ठित नागरिकांची उपस्थिती होती.
Nilesh Rane : कोकणातील सहा नेत्यांचं भाजपातून निलंबन, निलेश राणे खवळले, म्हणाले राणे साहेब ज्या दिवशी…
या वेळी पवार यांनी हिंदू व मुस्लिम समाजाने एकता ठेवून सण साजरे करावे असे आवाहन केले. या वेळी उपस्थितीत मान्यवरांनी मांडलेल्या सूचनांचे पालन करण्याबाबत संबंधित महानगर पालिका, महावितरण व वैद्यकीय अधिकारी, घाटी दवाखाना या विभागांना तत्काळ सूचनांची अंमलबजावणी करण्याच्या सूचनाही देण्यात आल्या.