विशाल पवार, 22, अभिषेक माने, 24, आशुतोष लाटे, 28 आणि शंकर विटकर, 40, सर्व रा. वडारवाडी, अशी अटक करण्यात आलेल्या आरोपींची नावे आहेत. याबाबत महेश पवार, 29, रा. वडारवाडी, यांनी चतु:श्रृंगी पोलिस ठाण्यात फिर्याद दिली होती.

नेमकं काय घडलं?

पोलिसांनी दिलेल्या माहितीनुसार, सोमवारी रात्री साडेआठ वाजताच्या सुमारास विशाल पवार हा रस्त्यावर लघुशंका करत होता. त्यावेळी फिर्यादीच्या आईने त्याला असभ्य वर्तनावरून जाब विचारला. याच रागातून विशाल आणि त्याच्या साथीदारांनी महेश पवार यांची रस्त्याच्या कडेला पार्क केलेली स्कोडा कार आणि अॅक्टिव्हा तसेच ज्युपिटर या दुचाकींची तोडफोड केली.

घटनेची माहिती मिळताच महेश पवार घटनास्थळी आले आणि त्यांनी चौकशी करण्यास सुरुवात केली. त्यावेळी अभिषेक माने, आशुतोष लाटे, शंकर विटकर हे तिघेही तिथे आले. त्यांनी महेश पवार आणि त्यांच्या भावाला शिवीगाळ करत लाथाबुक्क्यांनी मारहाण केली. इतकंच नाही, तर ‘जेलमधून सुटून आल्यावर ठार मारु’ अशी धमकीही त्यांना दिल्याचा आरोप आहे.
Akola Crime : माझे मिस्टर घरी नाहीयेत, दुपारी या! 52 वर्षीय ज्वेलरला लताने घरी बोलावलं, एवढ्यात नवरा पोहोचला अन्…
यावेळी भांडण सोडवण्यासाठी मध्ये पडलेले गणेश एकबोटे यांनाही आरोपींनी काठीने मारहाण केली. या झटापटीत महेश पवार यांची अंगठी आणि सोन्याची चेन, तसेच त्यांच्या भावाची चेनही कुठेतरी पडून गहाळ झाल्याचा दावा केला जात आहे. सध्या या प्रकरणाचा तपास सहायक पोलीस निरीक्षक दादाराजे पवार करीत आहेत.

Pune Crime : बारामतीतील ‘गुरुजीं’वर हनीट्रॅप, 54 वर्षीय ZP शिक्षकाला नग्न व्हिडिओ व्हायरल करण्याची धमकी अन्…

प्रसाद हिरेंवर शिवीगाळप्रकरणी गुन्हा

दुसरीकडे, भाजपचे नेते प्रसाद बळीराम हिरे यांच्याविरोधात बंदुकीचा धाक दाखवून जातिवाचक शिवीगाळ केल्याप्रकरणी छावणी पोलिसांत गुन्हा दाखल करण्यात आला आहे. हा प्रकार मालेगाव येथे रविवारी सायंकाळी न्यायालयामागील बाजूला घडला. या प्रकरणी सायने बुद्रुक येथील किरण नानाजी मगरे यांनी छावणी पोलिसांत फिर्याद दिली.