याबाबत सविस्तर माहिती अशी की, देवयानी किशोर गोळे (वय 19, रा. ऐनवहाळ, ता. रोहा, रायगड) ही 1 सप्टेंबरला प्रथमच गौरीचा ओवसा असल्याने दुपारी साडे तीन वाजण्याच्या सुमारास तिचा भाऊ सुजल किशोर गोळे (15) याला घेऊन रोहा तालुक्यातील देवकान्हे येथील मामाकडे निघाली होती. दुपारी साडे तीन वाजण्याच्या सुमारास ती मुंबई-गोवा राष्ट्रीय महामार्गावर असणाऱ्या पुगाव गावच्या हद्दीत असलेल्या नम्रता धाब्यासमोर आली असता त्याच वेळी बस चालक जितेंद्र अवसरमल याच्या ताब्यात असणारी महाराष्ट्र राज्य परिवहन महामंडळाच्या रत्नागिरी जिल्ह्यातील खेड आगाराची बसने देवयानी किशोर गोळेच्या स्कुटीला मागून जोरदार धडक दिली आणि भीषण अपघात झाला.
Beed News: मोठी बातमी! बीडमध्ये माजी पोलिस निरीक्षकाने राहत्या घरात आयुष्य संपवलं; पोलिस दलात खळबळ
या अपघातात देवयानी किशोर गोळेचा जागीच मृत्यू झाला असून तिचा भाऊ सुजल किशोर गोळे हा जखमी झाला आहे. ऐन गणेशोत्सवाच्या काळात देवयानी किशोर गोळेचा मृत्यू झाल्याने ऐनवहाळ गावावर शोककळा पसरली आहे. या अपघातानंतर मृत तरुणीचे पार्थिव नागोठणे प्राथमिक आरोग्य केंद्रात आणण्यात आले होते. यावेळी ऐनवहाळ गावातील तरुण व नागरिकांनी मोठी गर्दी केली होती.

या अपघातामधील महाराष्ट्र राज्य परिवहन महामंडळाच्या खेड आगारातील बसचालक जितेंद्र अवसरमल याला ताब्यात घेण्यात आले आहे. या अपघातानंतर मृत तरुणीचे पार्थिव नागोठणे प्राथमिक आरोग्य केंद्रात शवविच्छेदन करण्यासाठी आणण्यात आले होते. यावेळी ऐनवहाळ गावातील तरुण व नागरिकांनी मोठी गर्दी केली होती.
Jalna News: धावत्या स्लीपर बसमध्ये जळाल्याचा वास, सीट नंबर 12 वर पाहताच प्रवाशांमध्ये गोंधळ, जालना हादरलं
या अपघाताची नोंद कोलाड पोलिस ठाण्यात रात्री साडेआठ वाजण्याच्या सुमारास करण्यात आली असून याप्रकरणी कोलाड पोलिस ठाण्याचे सहाय्यक पोलिस निरीक्षक नितीन मोहिते यांच्या मार्गदर्शनाखाली पोलिस हवालदार आबा गायकवाड हे पुढील तपास करीत आहेत. मुंबई गोवा राष्ट्रीय महामार्गावर गेल्या आठ महिन्यात शंभरच्या आसपास अपघात झाले असून यामध्ये चाळीसच्या आसपास नागरिकांचा मृत्यू झाला आहे. तर 75 हून अधिक नागरिक गंभीर जखमी झाले आहेत.