याप्रकरणी मिळालेल्या माहितीनुसार, सुनील नागरगोजे हे मूळ बीड जिल्ह्याच्या परळी तालुक्यातील नागदरा येथील होत. अनेक वर्षांच्या सेवेनंतर मागील काही महिन्यांपूर्वी ते नोकरीतून बाहेर पडले होते. नुकतेच त्यांनी अंबाजोगाई येथील घर बांधकामासाठी काढल्याने ते प्रशांत नगर येथे भाड्याने राहत होते. त्या ठिकाणीच त्यांनी रात्री घरात कोणी नसताना सिलिंग फॅनला गळफास घेऊन आपल्या आयुष्याची दोर नेहमीकरता कापली, असं सांगण्यात येत आहे.

या घटनेची माहिती मिळताच अंबाजोगाई शहर ठाण्याचे पोलिस तात्काळ घटनास्थळी धाव घेऊन पंचनामा केला आणि मृतदेह स्वाराती रुग्णालयात उत्तरीय तपासणीसाठी पाठवून दिला. दरम्यान, सुनील नागरगोजे यांच्या या निर्णयामागचे कारण अद्याप समजू शकलेले नाही. मात्र, एका येवढ्या मोठ्या पदावर राहिलेल्या अधिकाऱ्याने असे टोकाचे पाऊल का उचलले असेल? याबद्दल प्रश्न उपस्थित केला जात आहे. या अनुषंगाने अंबाजोगाई शहर पोलिस पुढील तपास करत असल्याचं सांगण्यात आले आहे.
Jalna News: धावत्या स्लीपर बसमध्ये जळाल्याचा वास, सीट नंबर 12 वर पाहताच प्रवाशांमध्ये गोंधळ, जालना हादरलं

न्यायालयात सहायक सरकारी अभियोक्त्याने आयुष्य संपवलं

बीड जिल्ह्याच्या वडवणी येथील न्यायालयात सहायक सरकारी अभियोक्ता ॲड. व्ही. एल. चंदेल (वय 48) यांनी वडवणी येथील न्यायालयात गळफास घेऊन आपला जीव दिल्याची घटना काही दिवसांपूर्वी घडली होती. या घटनेने देखील सबंध जिल्ह्यात खळबळ उडाली होती. त्यांनी वडवणी नाय्यालयात खिडकीला गळफास घेऊन आपल्या आयुष्याची अखेर केली होती.

ॲड. व्ही. एल. चंदेल हे इंदेवाडी (जि. परभणी) येथील होते. जानेवारी 2025 मध्ये ते वडवणी येथील न्यायालयात सहायक सरकारी वकील म्हणून रुजू झाले होते. या घटनेने देखील जिल्ह्यात खळबळ उडाली होती. तर या घटनेमुळे सर्वसामान्य नागरिकांना प्रश्न निर्माण झाला होता. सरकारी वकिलाने आपल्याच न्यायालयात आपले जीवन संपवले यामुळे सर्वसामान्य नागरिकांना विचार करण्यास भाग पाडलं आहे. बीड जिल्ह्यात अशा जबाबदार व्यक्तींनी आपले जीवन संपवल्याच्या घटनेने अनेक प्रश्न निर्माण होत आहेत.