बसमध्ये जळण्याचा वास येऊ लागला, 12 नंबर सीटवर…

पुण्याहून पुसदकडे जाणारी ट्रॅव्हल्स एमपी 09 डीपी 9925 ही बस बदनापूर परिसरातून जात असताना अचानक बसमध्ये जळण्याचा वास येऊ लागला. प्रवाशांनी चौकशी केली असता, 12 क्रमांकाच्या सीटवर बसलेल्या प्रवाशाने स्वतःला पेटवून घेतलं होतं. यामुळे बसमध्ये एकच गोंधळ उडाला. इतर प्रवाशी आपला जीव वाचवण्यासाठी कसेबसे गाडीतून पळून गेले.
AC मध्ये कुटुंब निजलं, दोन चिमुरड्या भावंडांना झोपेतच मृत्यूने गाठलं, शेजारच्या खोलीचं गूढ काय?

नेमकं काय घडलं?

सोमवारी सकाळी 5.30 वाजता ट्रॅव्हल्स क्रमाक MP 09DP 9925 ही पुण्याहून पुसद जात असताना चालू गाडीत वास येत असताना प्रवाशांनी बघितले असता ही गाडी बदनापूर जवळील निरंकारी पेट्रोलपंपजवळ गाडी थांबवली. बघितले असता सीट नंबर 12 वरील प्रवाशाचा होरपळून मृत्यू झाला होता.घटनेची माहिती बदनापूर पोलिस ठाण्यात कळविले असता पोलिस निरीक्षक मच्छिद्र सुरवसे यांनी घटनास्थळी साहयक फौजदार बाबासाहेब जऱ्हाड, पवन नारियलवाले, दासार, होमगार्ड यांना घटनास्थळी पाठवून ट्रॅव्हलसला ग्रामीण रुग्णालय येथे नेऊन प्रेत श्वविच्छेदनसाठी ठेवण्यात आले असून नातेवाईकांना बोलवण्यात आले .

सुनिल धोंडबा इंगोले ट्रॅव्हल्स चालक यांच्या माहितीवरून मयताची ओळख पटली असून मयताचे नाव सुनिल सज्जनराव टाले (वय 50 वर्ष रा. आरेगांव तालुका मेहकर जिल्हा बुलढाणा) आहे.

या घटनेमागील कारण अस्पष्ट

सुनिल इंगोले यांनी अशाप्रकारे इतक्या भयानक पद्धतीने आपल्या आयुष्याची अखेर का केली, याबाबत सध्या काहीही माहिती नाही. सध्या बदनापूर पोलिस याप्रकरणाचा तपास करत आहेत. याघटनेमुळे परिसरात एकच खळबळ माजली आहे.