याप्रकरणी मिळालेल्या प्राथमिक माहितीनुसार, घरातील घरगुती सिलेंडरमधून गॅस गळती झाली त्यामुळे श्वास गुदमरून मृत्यू झाल्याची माहिती समोर येत आहे. रंजनाबाई युवराज बलरामवाले (वय 35 वर्ष, दोघे रा. बेडरपूल लष्कर, लोधी गल्ली, सोलापूर) ही विवाहित महिला अतिदक्षता विभागात मृत्यूशी झुंज देत देत आहे. युवराज मोहनसिंग बलरामवाले (वय 40 वर्षे, रा. बेडरपूल, लोधी गल्ली, लष्कर, सोलापूर) हे शुद्धीवर आहेत.
Solapur Crime : राहत्या घरात कुटुंबातील पाच जण बेशुद्ध, तोंडाला फेस; दोन चिमुकल्यांनी प्राण सोडले, सासू-सुनेची मृत्यूशी झुंज, काय घडलं?

एकाच खोलीत पाच जणांचं कुटुंब दाटीवाटीने राहत होतं

सोलापूर शहरातील नळबाजार चौकातील बालाजी मठाच्या जवळच बलरामवाले यांचे घर आहे. त्यांच्या घराकडे जाण्यासाठी दुचाकीला जाण्याएवढी जागा, त्यांचे घर म्हणजे अंदाजे सात बाय दहाची खोली आहे. या एका खोलीत पाचजण दाटीवाटीने राहत होते. त्यात एका बाजूला गॅस शेगडी, दरवाजा उघडल्यानंतर समोरच टीव्ही दिसतो, त्याखाली पिण्याचे पाणी भरून ठेवलेली भांडी, घरातील इतर साहित्य हे एका बाजूला ठेवलेले आहेत.

रक्तात कार्बन मोनॉक्साईड आढळले

हर्ष बलरामवाले (वय 60 वर्ष), अक्षरा बलरामवाले (वय 4 वर्ष), विमल मोहनसिंग बलरामवाले (वय 60) या तिघांचा मृत्यू झाला आहे. रंजनाबाई युवराज बलरामवाले (35), युवराज मोहनसिंग बलरामवाले (40, सर्व रा. बेडरपूल, लष्कर) हे मृत्यूशी झुंज देत आहेत. त्यांच्या रक्ताची तपासणी करण्यात आली. त्या तपासणीमध्ये कार्बन मोनॉक्साईडचे प्रमाण जास्त आढळले. यामुळेच त्यांचा मृत्यू झाल्याचा अंदाज लावण्यात येत आहे.
AC मध्ये कुटुंब निजलं, दोन चिमुरड्या भावंडांना झोपेतच मृत्यूने गाठलं, शेजारच्या खोलीचं गूढ काय?

शनिवारी रात्री खिचडी करुन खाल्ली

बलरामवाले कुटुंबाची परिस्थिती खूप हलाखीची आहे. कधी एक वेळचे जेवण मिळते, तर कधी मिळत नाही. शनिवारी (30 ऑगस्ट) रात्री त्यांनी एक किलो भात आणून खिचडी करून खाल्ली. त्यानंतर सगळे झोपी गेले. त्यानंतर रविवारी सकाळी ही घटना उघडकीस आली, अशी माहिती नातेवाईकांनी दिली. रविवारपासून शासकीय रुग्णालयात नातेवाइकांची मोठी गर्दी परिसरात झाली आहे.