प्राथमिक तपासातून असं समोर आलं आहे की, वर्मा यांची सार्वजनिक बांधकाम विभागाकडे (PWD) कोट्यवधी रुपयांची थकबाकी होती, ज्यामुळे ते दीर्घकाळापासून आर्थिक संकटाचा सामना करत होते. कंत्राटदाराच्या आत्महत्येमुळे शहरात खळबळ उडाली असून, या घटनेनं पुन्हा एकदा नागरी कंत्राटदारांच्या थकबाकीचा मुद्दा चर्चेत आला आहे.

‘काय उपयोग रे तुमचा?’, मनोज जरांगे आपल्या आंदोलकांवर संतापले

मिळालेल्या माहितीनुसार, वर्मा हे सार्वजनिक बांधकाम विभागातील मोठे कंत्राटदार होते. त्यांचे काम नागपूर, गोंदियासह इतर जिल्ह्यांमध्येही सुरू होते. यासोबतच त्यांनी नागपूर महानगरपालिकेच्या हॉटमिक्स प्लांटचीही कामे केली आहेत. ते राजनगर येथील फ्लॅटमध्ये एकटे राहत होते, तर त्यांचे कुटुंब हैदराबादमध्ये राहते. वर्मा यांची सार्वजनिक बांधकाम विभागाकडे सुमारे ३०-४० कोटी रुपयांची थकबाकी होती. यामुळे ते खूप त्रस्त होते. ते सार्वजनिक बांधकाम विभागाच्या प्रशासनाकडे सातत्याने रक्कम अदा करण्याची मागणी करत होते, परंतु पैसे न मिळाल्यामुळे ते आर्थिक संकटात सापडले होते.

Raigad Accident : सभा आटपून परतताना काळाची झडप, नियंत्रण सुटल्याने रिक्षा डिव्हायडरला धडकली; तिघांचा करुण अंत

प्राथमिक माहितीनुसार, आर्थिक अडचणींमुळे त्रस्त होऊन आज सोमवारी सकाळी साडेसहाच्या सुमारास वर्मा यांनी आपल्या घरात गळफास लावून आत्महत्या केली. सकाळी नोकर घरी पोहोचला तेव्हा वर्मा पंख्याला लटकलेल्या अवस्थेत आढळले. नोकराने तात्काळ पोलिसांना याची माहिती दिली. पोलीस तात्काळ घटनास्थळी पोहोचले आणि मृतदेह खाली उतरवला. सार्वजनिक बांधकाम विभागाच्या कंत्राटदाराने आत्महत्या केल्याच्या बातमीने खळबळ उडाली आहे. याचदरम्यान, राज्यात कंत्राटदारांच्या थकबाकीचा मुद्दा पुन्हा एकदा चर्चेत आला आहे. पोलिसांनी मृतदेहाचा पंचनामा करून तो शवविच्छेदनासाठी पाठवला आहे. तसेच, वर्मा यांच्या कुटुंबीयांनाही या घटनेची माहिती देण्यात आली असून, ते नागपूरकडे रवाना झाले आहेत. पोलिसांनी आकस्मिक मृत्यूची नोंद करून पुढील तपास सुरू केला आहे.

लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात.… आणखी वाचा