रुखमाबाई शिवा जाधव (वय 60, रा. बोरमाळ तांडा) असं सर्पदंश होऊन मृत्यू झालेल्या महिलेचं नाव आहे. दरम्यान या प्रकरणी स्थानिकांनी दिलेल्या माहितीनुसार, रुखमाबाई जाधव या बोरमाळा तांडा येथे कुटुंबासह राहतात. त्यांच्या कुटुंबात पती दोन मुले मुलगी सुना नातवंड असा परिवार आहे. सोयगाव तालुक्यातील तिडका शिवारात गट क्रमांक 111 येथे स्वतःची शेती आहे. शेतामध्ये त्यांनी पिकांची लागवड केली आहे. दरम्यान, रविवारी सायंकाळच्या सुमारास रूखमाबाई या निंदत होत्या. याचवेळी दगडाखालून एक साप बाहेर आला त्याने रखमाबाई यांना दंश केला. यात रखमाबाई बेशुद्ध झाल्या. यावेळी त्यांना तात्काळ बनोटी येथील प्राथमिक आरोग्य केंद्रामध्ये दाखल करण्यात आलं.

मोठी बातमी: मनोज जरांगेंच्या आंदोलनाविषयी कोर्टात तातडीची सुनावणी; गणेशात्सव सुट्टी असताना विशेष खंडपीठाची स्थापना

प्राथमिक उपचार घेऊन पुढील उपचारासाठी पाचोरा जिल्हा जळगाव येथे हलवण्यात आलं. उपचार सुरू असताना पाचोरा येथील खासगी रुग्णांमध्ये रुखमाबाई यांची प्राणज्योत मालवली. दरम्यान, या प्रकरणी ग्राम महसूल अधिकारी शंकर देवतुरे यांनी तहसील कार्यालयात अहवाल सादर केला. या घटनेमुळे रकमाबाई यांच्या कुटुंबावर दुःखाचा डोंगर कोसळला असून नातेवाईकांनी रुग्णालयात टाहो फोडला. तर गावकऱ्यांनी हळहळ व्यक्त केली. रखमाबाई यांच्या मृतदेहावर सकाळी 11 वाजता अंत्यसंस्कार करण्यात आलं आहे. या प्रकरणी पोलीस ठाण्यामध्ये आकस्मिक मृत्यूची नोंद करण्यात आली असून पुढील तपास पोलीस करीत आहे.

Maratha Reservation : डीजेवर नाचणं टाळा, हुल्लडबाजीही नको, मनोज दादांची इज्जत घालवू नका, मराठा समन्वयकांचं आंदोलकांना आवाहन

ड्रेनजमध्ये स्त्री जातीचं अर्भक

दरम्यान, छत्रपती संभाजीनगरमध्ये एक संतापजनक घटना समोर आली आहे. चोकअप झालेल्या ड्रेनेज दुरुस्त करण्यासाठी उघडले असता ड्रेनेजमध्ये मृतावस्थेत अंदाजे 4 ते 5 महिन्याचं स्त्री जातीचं अर्भक आढळून आलं आहे. ही घटना हापसीची गल्ली कबीर नगर उस्मानपुरा येथे उघडकीस आली. या घटनेमुळे छत्रपती संभाजीनगरमध्ये एकच खळबळ उडाली असून अज्ञात व्यक्तीविरुद्ध उस्मानपुरा पोलीस ठाण्यात गुन्हा दाखल करण्यात आला आहे.