नेमकी घटना
याप्रकरणी पोलिसांनी दिलेल्या माहितीनुसार, गणेश उत्सव तसेच सण उत्सवाच्या काळामध्ये मुकुंदवाडी पोलीस ठाण्याचे पोलीस उपनिरीक्षक घोरपडे हे गस्तीवर असताना त्यांना गुप्त बातमीदारा तर्फे माहिती मिळाली. अंबिका नगर येथील एका इमारतीमध्ये गांजा चरस विक्री होत आहे. यावरून विशेष पथकाचे सहपोलीस निरीक्षक संजय बहुरे, पोलीस उपनिरीक्षक शिवाजी घोरपडे,पो.ह.नरसिंह पवार, पो.ह.बाबासाहेब कांबळे, गणेश वैराळकर, अनिल थोरे, गणेश वाघ यांचा पथक तयार करण्यात आलं. मिळालेल्या माहितीच्या आधारे अंबिका नगर येथील इमारतीच्या पहिल्या मजल्यावर पथकाने छापा टाकला. त्यांच्याकडे 15 लाख रुपये किमतीचा तब्बल दीड किलो चरस आढळून आला. याप्रकरणी पोलिसांनी पाच आरोपींना बेड्या ठोकल्या आहेत. त्यांच्याविरुद्ध अमली पदार्थ विरोधी कायदे अंतर्गत गुन्हा दाखल करण्यात आला आहे. या प्रकरणाचा पुढील तपास सह पोलीस निरीक्षक संजय बहुरे करीत आहेत.

आरोपींची नावे
मोहम्मद मुजममील मोहम्मद नजीर वय २४ रा. रहमान कॉलनी, नोमान खान इरफान खान वय २१ राहणार रहमान कॉलनी, मोहम्मद लइकुद्दीन मोहम्मद मिराजजोद्दीन वय २५ राहणार रहीम नगर, शेख रेहान शेख अशपाक वय १९ राहणार कटकट गेट, शेख सुलताना शेख मैंनोउद्दीन वय ४५ रा. अंबिका नगर गल्ली नंबर आठ अशी या घटनेतील आरोपींची नावे आहेत.