मुंबईत पुन्हा एका मराठा कार्यकर्त्याचा मृत्यू

मुंबईत मराठा आंदोलक मनोज जरांगे पाटील यांच्या आंदोलनात आज पुन्हा एका कार्यकर्त्याचा हृदयविकाराचा झटका येऊन मृत्यू झाला आहे. लातूरच्या अहमदपूर तालुक्यातील टाकळगाव येथील हा रहिवासी असल्याचं समोर आलं आहे. आपल्या मराठा कार्यकर्त्याच्या निधनाने संपूर्ण आंदोलकांमध्ये हळहळ व्यक्त होत आहे. यापूर्वी जुन्नरजवळ एका मराठा आंदोलकाचा हृदयविकाराच्या झटक्याने मृत्यू झाला आहे. सतीश देशमुख असं त्या मृत व्यक्तीचं नाव असून, मनोज जरांगेंच्या मुंबईतील उपोषणाला सुरूवात होण्याआधीच ही दुर्दैवी घटना घडल्यामुळे हळहळ व्यक्त केली जात आहे. ‘तू मला दारू पिण्याबाबत का बोलली?’, बायकोच्या नकारामुळे 8 महिन्याच्या चिमुकल्यासोबत बापाचं संतापजनक कृत्य; छत्रपती संभाजीनगर हादरलं

मनोज जरांगे काय म्हणाले?

ओबीसीतून आरक्षणाच्या मागणीवर मनोज जरांगे ठाम असल्याचं पाहायला मिळत आहे. राज्य सरकाराच्या शिष्ट मंडळांची त्यांच्याशी चर्चा सुरुय. न्या. संदीप शिंदेंनी त्यांच्याकडून थोडा वेळ मागितलाय, पण जरांगे ऐकायला तयार नाहीत. ते म्हणाले की, ‘मराठा समाजाला कुणबी घोषित केल्याशिवाय मी हटणार नाही. आदेशाची अंमलबजावणी झाल्याशिवाय मी माघारी परतणार नाही. मराठवाड्यातील 1 लाख 23 हजार कुणबी गेले कुठे?’ असा सवालही जरांगेंनी केलाय. मराठवाड्यातील मराठा- कुणबी, असा अहवाल शिंदे समितीने द्यावा. ‘शिंदे समितीने 13 महिने अभ्यास केला. आता अहवाल द्यावा, आता एक मिनिटही देणार नाही, उद्या सकाळपर्यंत प्रमाणपत्र हातात द्या’, असं जरांगे यावेळी म्हणाले आहेत.