शुक्रवारी भाजप तर्फे नांदेड शहरातील सिडको हडको भागात दहीहंडी कार्यक्रमाचे आयोजन करण्यात आले होते. या कार्यक्रमाला सोशल मीडिया नृत्यांगना गौतमी पाटील हिला आमंत्रित करण्यात आले होते. मात्र ढगफूटी सदृश पावसाने जिल्ह्यावर एवढ मोठं संकट ओढावलेलं असताना पूरग्रस्थांना मदत करण्या ऐवजी भाजपाने मोठ्या उत्साहात दही हंडी कार्यक्रम साजरा केल्याने टीका केली जातेय. कार्यक्रमाला माजी मुख्यमंत्री अशोक चव्हाण यांच्या कन्या आमदार श्रीजया चव्हाण, महानगराध्यक्ष अमर राजूरकर यांच्या साह भाजप पदाधिकारी उपस्थित होते. गौतमी पाटीलला पाहण्यासाठी तरुणांनी मोठी गर्दी केली होती. दरम्यान यावरून शिवसेना ठाकरे गटाचे महानगर प्रमुख प्रकाश मारावार यांनी नाराजी व्यक्त केली आहे.