दरम्यान, विवाहिता पूजा वैभव आहेर (वय 25) हिचा विहिरीत पडून मृत्यू झाल्याची घटना गुरुवारी (दि. 21) सकाळी साडेअकरा वाजेच्या सुमारास उघडकीस आली होती. याबाबत विवाहितेचा भाऊ अभिजीत कैलास गवळी (रा. कानमंडाळे) याने चांदवड पोलिसांत फिर्याद दिली आहे. फिर्यादीत म्हटले आहे की, बहीण पूजा हिचा पती वैभव मोहनदास आहेर, सासरे मोहनदास नारायण आहेर, सासू राजूबाई उर्फ लताबाई मोहनदास आहेर, भाया केशव मोहनदास आहेर, जाऊ रुपाली केशव आहेर (सर्व रा. वडगावपंगू) यांनी पूजाच्या चारित्र्यावर संशय घेऊन व तिला मूलबाळ होत नाही या कारणातून लग्नानंतर तीन ते चार महिन्यांपासून ते दि. २१ ऑगस्ट २०२५ पर्यंत वेळोवेळी मानसिक व शारीरिक त्रास देऊन तिचा छळ केला. त्याचबरोबर तिला धारधार हत्याराने मारहाण करून जीवे मारले व तिचा मृतदेह सासरच्या घराच्या पाठीमागील शेतातील विहिरीत फेकून दिला. दिल्याबाबत फिर्याद दिली. यावरुन पोलिसांनी सासरच्या पाच जणांविरुद्ध गुन्हा दाखल केला आहे. अधिक तपास सुरू आहे.
Crime Diary: अत्याचार, मारहाण, गुप्तांगात माती टाकली अन् संपवलं; ‘सौजन्या’चं कर्नाटक धर्मस्थळ केसशी काय कनेक्शन?

विवाहाच्या आमिषातून अत्याचार

अल्पवयीन मुलीला लग्नाचे आमिष दाखवून तरुणाने वेळोवेळी तिच्याशी बळजबरीने शारीरिक संबंध ठेवले. याबाबत कोणाला सांगितले तर तुला व आई-वडिलांना ठार मारेन, अशी धमकी दिली. यातून पीडिता गरोदर राहिली. उपनगर पोलिस ठाण्यात संशयित दीपककुमार रमेशकुमार पाल (वय २१, रा. तिरूपती नगर, दसक, जेलरोड) याच्याविरोधात बलात्काराचा गुन्हा दाखल झाला आहे.पीडित मुलीच्या पोटात दुखत असल्याने तिचे आई-वडील तिला रुग्णालयात घेऊन गेले असता डॉक्टरांनी तपासून ती गरोदर असल्याचे सांगितले. आई-वडिलांनी मुलीला विश्वासात घेऊन विचारणा केली असता तिने सांगितले की, संशयित दीपककुमार याने २०२४ पासून मैत्री वाढवून,लग्नाचे आमिष दाखवून वारंवार शारीरिक संबंध प्रस्थापित केले. पोक्सो कायद्यानुसार गुन्हा दाखल करण्यात आला आहे.

दुसऱ्या एका घटनेत महिला घरी एकटी असताना संशयिताने तिच्या घरासमोर येऊन मागील भांडणाची कुरापत काढून अश्लील वर्तन करून विनयभंग केल्याप्रकरणी उपनगर ठाण्यात गुन्हा दाखल करण्यात आला आहे. पीडित महिलेच्या कुटुंबाचा व संशयित अजय राठोड यांचा जमिनीच्या कारणावरून न्यायालयात दावा सुरू आहे. पीडित महिला गुरुवारी सकाळी घरी एकटी असताना संशयित अजय हा घरासमोर आला व त्याने महिलेला शिवीगाळ व दमदाटी करीत अश्लील वर्तन केले.