या घटनेनबाबत मिळालेल्या माहितीनुसार, अतिक अहमद शेख (वय ४८, रा. मिठानगर, कोंढवा) या रिक्षाचालकाने कोंढवा पोलिसांकडे फिर्याद दिली आहे. त्यांनी घराबाहेर रिक्षा पार्क करुन ते घरात झोपले होते. आज शनिवारी मध्यरात्री साधारण दीड वाजण्याच्या सुमारास तीन ते चारजण दुचाकीवरुन आले. त्यांनी तोंडाला मास्क लावलं होतं. त्यांनी आरडाओरडा करुन त्यांच्या गल्ली नंबर २ मधील रिक्षाच्या काचेवर धारदार हत्याराने वार करत काचा फोडल्या. काचा फोडल्याच्या आवाजामुळे त्यांनी घरातून खाली येऊन पाहिलं. तर त्यांच्या रिक्षाची काच फुटली होती आणि फ्रेम वाकली होती. त्याचवेळी मिर्झा समी हे कार घेऊन जात असल्याचं त्यांना दिसले. त्यांच्या कारच्या दोन्ही बाजूच्या दरवाजांच्या काचावर धारदार हत्याराने मारुन त्या देखील फोडल्या. पुढील व मागील बाजूच्या काचा फोडल्या. ते गाडीत खाली वाकल्याने त्यांना इजा झाली नाही. याशिवाय या गुंडांनी आणखी दोन रिक्षा आणि एका कारच्या काचा फोडल्याचं आढळून आलं.

Nepal Bus Accident : नेपाळमध्ये बस नदीत कोसळून जळगावच्या 24 भाविकांचा झालेला मृत्यू, वर्ष उलटूनही बहिणीचा शोध नाही, शुभम म्हणतो…

याबाबत कोंढवा पोलीस ठाण्याचे वरिष्ठ पोलीस निरीक्षक विनय पाटणकर यांनी सांगितलं की, ‘मिठानगरमध्ये मध्यरात्री वाहनांच्या काचा फोडण्याचा प्रकार करणार्‍या ४ पैकी तिघांना पोलिसांनी पकडलं असून ते अल्पवयीन आहेत. आपआपासातील भांडणाचा राग त्यांनी दुसर्‍याच्या गल्लीत जाऊन तेथील वाहनांवर काढला आहे. चौथ्या आरोपीचा शोध सुरु आहे’.

८ दिवसांत पती-पत्नीचा मृत्यू

पुण्यातून एक हृदयद्रावक घटना उघडकीस आली आहे. पुण्यातील एका दाम्पत्यावर केलेली लिव्हर ट्रान्सप्लांटची शस्त्रक्रिया दोघांच्याही जिवावर बेतली आहे. लिव्हर ट्रान्सप्लांट शस्रक्रियेनंतर पती आणि पत्नी दोघांचाही मृत्यू झाल्याची दुर्दैवी घटना शहरातील एका रुग्णालयात समोर आली आहे.

…तर 31 व्या दिवशी खुर्ची जाणार! सर्वाधिक गुन्हे कोणत्या CM वर? फडणवीसांचा नंबर कितवा?

पुण्यातील डेक्कन परिसरातील प्रसिद्ध रुग्णालयामध्ये पती पत्नीचं लिव्हर ट्रान्सप्लांट करण्यात आलं होतं. पण या शस्त्रक्रियेनंतर दोघांचाही मृत्यू झाला. बापू बाळकृष्ण कोमकर आणि कामिनी बापू कोमकर असं मृत्यू झालेल्या पती – पत्नीचं नाव आहे. कोमकर दाम्पत्याच्या मृत्यूनंतर त्यांच्या नातेवाईकांचा रुग्णालयावर उपचारात हलगर्जीपणा केल्याचा आरोप केला आहे. हॅास्पिटल आणि तेथील डॅाक्टरांनी उपचारात हलगर्जीपणा केल्यामुळेच कोमकर दाम्पत्याचा मृत्यू झाल्याचा गंभीर आरोप नातेवाईकांनी केला आहे.