माजी मुख्यमंत्री उद्धव ठाकरे हे सध्या सहा बंडखोर खासदारांच्या मतदारसंघांचा दौरा करत आहेत. या दौऱ्यादरम्यान त्यांचं मुंडेंचा बालेकिल्ला मानल्या जाणाऱ्या बीड जिल्ह्यात जंगी स्वागत करण्यात आलं. परळीतील छत्रपती शिवाजी चौकात जेसीबीच्या सहाय्याने त्यांच्यावर फुलांचा वर्षाव करण्यात आला. उद्धव ठाकरे येणार म्हणून मोठ्या संख्येने शिवसैनिक त्यांच्या स्वागतासाठी जमले होते. यावेळी शिवसैनिकांनी मोठ्या उत्साहात घोषणाबाजी केली. तर बंडखोर खासदारांच्या विरोधात गद्दारीचे नारे देण्यात आले.