खडपोली, गाणे आदी गावांकडे जाणारी वाहतूक अन्य मार्गाने वळवण्यात आली आहे. मात्र पर्यायी मार्गावरून अवजड वाहने वाहतूक करू शकत नाहीत. हा पूल शनिवारी रात्री कोसळला आहे हा पूल कोसळल्याने पिंपळी-खडपोली-दसपटी या मार्गांवरील वाहतूक बंद करण्यात आली आहे. हा ब्रीज कोसळला तेव्हा दैव बलवत्तर म्हणून या पुलावर कोणीही नव्हते त्यामुळे मोठा अनर्थ टळला आहे.
Akola News : बैलांच्या आंघोळीसाठी नदीवर, पाण्याचा प्रवाह वाढल्यानं नदीत पडला, बैल काठावर हंबरत राहिले, पण शंतनू…
कोकणात गेले आठ दिवस मुसळधार पाऊस सुरू होता गुरुवारपासून पावसाचा जोर ओसरला आहे. मात्र शनिवारी दिवसभर हलक्या ते मध्यम स्वरूपाचा पाऊस सुरू होता. याचा फटका सगळ्यात जुन्या असलेल्या खडपोली एमआयडीसी व काही गावांकडे जाणाऱ्या मोठ्या पुलाला बसला आहे. हा पूल जुना झाल्याने नवीन पुलाचा प्रस्ताव एमआयडीसीकडे यापूर्वीच पाठवण्यात आला आहे, अशी माहिती चिपळूण तालुका प्रशासनाच्या सूत्रांनी दिली आहे.

हा पूल कोसळल्याने एमआयडीसी बरोबरच काही गावाकडे जाणाऱ्या संपर्क नियंत्रित झाला आहे अवजड वाहने या गावाकडे व एमआयडीसी कडे जाऊ शकत नाहीत. मात्र अन्य हलकी प्रवासी वाहने अन्य मार्गावरून वळवण्यात आली आहेत अशी माहिती चिपळूण तालुका प्रशासनाने दिली आहे. या पुलाची दुर्घटना झाल्याची माहिती कळतच या परिसरात स्थानिक नागरिकांनी मोठी गर्दी केली होती. या सगळ्याचे फोटो व्हिडिओ रात्री उशिरा सोशल मीडियावरती व्हायरल झाले आहेत.

1965 साली हा ब्रिज बांधण्यात आला होता. हा ब्रिज तब्बल 60 वर्षे जुना झाला होता. त्यामुळे हा ब्रिज कमकुवत झाला होता. यापूर्वी रायगड जिल्ह्यात ऐन पावसाळ्यातच महामार्गावर ब्रिज कोसळल्याची घटना घडली होती यामध्ये अनेकांचे जीव गेले होते. त्यानंतर आता रत्नागिरी जिल्ह्यात चिपळूण तालुक्यात ही मोठी दुर्घटना घडली आहे. या सगळ्या दुर्घटनेची गंभीर दखल चिपळूणचे आमदार शेखर निकम यांनी घेतली असून त्यांनी प्रशासनाला योग्य त्या सूचना दिल्या आहेत.

कान्हे पिंपळी मधून MIDC खडपोली, दसपटी कडे जाणारा वाशिष्ठी नदीवरील पूल कोसळला, वाहतूक थांबविली. वाहतूक पेढांबे पूल – खडपोली – MIDC खडपोली पर्यायी मार्गाने दसपटीकडे वळविली आहे.

पालकमंत्र्यांनी यापूर्वीच पूलासाठी दिली मंजुरी

दरम्यान प्रशासनाकडून मिळालेल्या अधिकृत माहितीनुसार पिंपळी नंदिवसे ता. चिपळूण येथील प्रजिमा 23 साखळी क्रमांक 1/00 खडपोली पूल आज संध्याकाळी 10.30 वाजता कोसळला. कोणतीही जीवितहानी नाही. पुलावरून सर्व प्रकारची वाहतूक बंद करण्यात आली असून, अलोरे पोलीस ठाणे हद्दीतील पेंडाबे ते खडपोली जाणाऱ्या पर्यायी मार्गाने वाहतूक वळवण्यात आली आहे.*

हा पूल सार्वजनिक बांधकाम विभागाने एम आय डी सी कडे हस्तांतरित केलेला होता.पालकमंत्री उदय सामंत यांनी ५ जुलै रोजी चिपळूण येथील ‘सहकार भवन’मध्ये खडपोली आणि खेर्डी एमआयडीसी नागरिकांच्या समस्यांबाबत विशेषतः पुलांच्या बांधकामाबाबत बैठक घेतली होती. रस्ता, पूल यासाठी २७ कोटी मंजूर केले होते.पावसाळ्यामध्ये निविदा प्रक्रिया पूर्ण करुन, पावसाळ्यानंतर काम सुरु झाले पाहिजे. खडपोली आणि खेर्डी एमआयडीसीसंदर्भातील समस्या मार्गी लावा, अशा सूचनाही त्यांनी त्यावेळी दिल्या होत्या.