पुणे पोलीस दलातील एका अंमलदाराने गांजा तस्करांशी संगनमत करत अवैध धंद्यांना सुरक्षण दिलं. त्याचं हे कृत्य त्याला चांगलंच महागात पडलं आहे. संबंधित पोलीस कर्मचाऱ्याला निलंबित करण्यात आलं आहे.
पोलीस आयुक्त अमितेश कुमार यांना काही दिवसांपूर्वी सहकारनगर परिसरात मोठ्या प्रमाणात गांजाची तस्करी आणि अन्य अवैध धंदे सुरू असल्याची माहिती मिळाली. या आधारे गुन्हे शाखा युनिट पाचचे निरीक्षक संजय पतंगे यांच्या पथकाने छापा टाकला. कारवाईदरम्यान प्रतिक पवार या युवकाला अटक करून त्याच्याकडून 5 किलो 260 ग्रॅम गांजा जप्त करण्यात आला.
मोठे जाळे उघड
प्रतिक पवारची चौकशी केली असता, हा माल त्याला सौरभ कट्टीमणी ऊर्फ पाटील, सागर चव्हाण ऊर्फ डोंगाभाई आणि मॅनेजर अभिजित सावंत यांच्या मार्फत मिळत असल्याचे निष्पन्न झाले. पवार आणि त्याचा साथीदार सॅण्डी ऊर्फ संदीप घोटे या दोघांकडे गांज्याचा पुरवठा केला जात होता. या सर्वांविरोधात सहकारनगर पोलीस ठाण्यात गुन्हा दाखल झाला आहे.
मोबाईल तपासात शिंदेचं नाव
तपासदरम्यान प्रतिक पवारच्या मोबाइलमध्ये एक महत्त्वाचा धागा पोलिसांच्या हाती आला. त्यात पोलीस अंमलदार शिंदे यांचा क्रमांक ‘एन बी’ या नावाने सेव्ह असल्याचे उघड झाले. त्याबाबत पवारला विचारणा केली असता, शिंदे हे सहकारनगर हद्दीत वसुलीचे काम पाहतात, तसेच स्पा, पिटा, मटका क्लब यांसारख्या अवैध धंद्यांना थेट पाठबळ देतात, अशी माहिती समोर आली.
पोलीस दलात खळबळ
या धक्कादायक उघडकीनंतर शिंदे यांना तत्काळ निलंबित करण्यात आले आहे. पोलीस आयुक्तांनी यापूर्वीच स्पष्ट केले होते की, अवैध धंद्यांना आश्रय देणाऱ्यांवर कुठलीही गय केली जाणार नाही. याच आदेशाच्या अनुषंगाने ही कठोर कारवाई करण्यात आली आहे.
एसीपी कार्यालयात आणखी एक ‘ऑपरेटर’
शिंदे यांची काही महिन्यांपूर्वी सहकारनगरहून स्वारगेट पोलीस ठाण्यात बदली झाली होती. मात्र, स्वारगेट येथे हजर असूनही आठ महिने त्यांनी एसीपी कार्यालयात ऑपरेटर म्हणून काम केले. नुकतेच त्यांना स्वारगेट ठाण्यात जमा करण्यात आले होते. दरम्यान, अन्य एका पोलीस ठाण्यात नेमणूक असलेला अंमलदार एसीपी कार्यालयात ऑपरेटर म्हणून कार्यरत आहे. पोलीस आयुक्त या प्रकाराकडे लक्ष देणार का? असा प्रश्न उपस्थित होत आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा