Pune Crime: पुण्यातून धक्कादायक बातमी समोर आली आहे. दारुचं बिल देण्याच्या वादातून चौघांनी एका मित्राला निर्घृणपणे संपवलं, घटनेनं खळबळ.
विनोद विश्वनाथ मोरे (वय ४५, रा. विठ्ठलवाडी, देहू गाव), गोरख विष्णू कुटे (वय ४५, दत्तवाडी, आकुर्डी), संतोष आनंद मराठे (वय ३९, आकुर्डी) आणि चंद्रकांत दत्ता बुट्टे (वय ३९, आकुर्डी) यांच्या विरोधात गुन्हा दाखल करण्यात आला आहे. पोलिसांनी विनोद, गोरख आणि संतोष या तिघांना अटक केली आहे. पोलिसांनी दिलेल्या माहितीनुसार, गणेश पोखरकर आणि आरोपी मित्र आहेत. ते तळवडे येथील सम्राट गार्डन हॉटेलमध्ये दारू पीत बसले होते. हॉटेलचे बिल देण्यावरून त्यांच्यात वाद झाला. 
पुणेकरांसाठी Good News! गणेशोत्सवानिमित्त मेट्रोचं खास नियोजन, रात्री उशीरापर्यंत करता येणार प्रवास, पाहा वेळापत्रक
रागाच्या भरात आरोपी विनोद मोरे याने हॉटेलमधील लाकडी दांडक्याने गणेश पोखरकर याच्या पाठीवर, पोटावर आणि छातीवर मारहाण करून त्याला जखमी केले. त्यानंतर गणेश पुन्हा आरोपीवर धावून गेल्यावर, इतर आरोपींनी संगनमत करून त्याला लाकडी दांडक्यांनी आणि लाथा-बुक्क्यांनी मारहाण करून ठार मारले. देहूरोड पोलिस तपास करीत आहेत.Pune News : हैदराबादहून मित्रांसोबत पुण्यात, सिंहगडावरील तानाजी कडावरुन दरीत कोसळला, आई-वडिलांचा गौतम अजूनही बेपत्ता
दारू आणण्यावरून मित्रावर चाकू हल्ला
पिंपरी : दारू विकत आणण्याच्या कारणावरून झालेल्या भांडणातून एकाने आपल्या मित्रावर चाकूने हल्ला केला. ही घटना बुधवारी (२० ऑगस्ट) दुपारी चार वाजण्याच्या सुमारास मोशी येथील मॉडर्न वाइन्स या दुकानासमोर घडली. तुकाराम संदीप साळवे (वय ३३) असे जखमी व्यक्तीचे नाव आहे. या प्रकरणी संदीप बाबूराव साळवे (वय ६२, रा. बोराटेवस्ती, मोशी) यांनी भोसरी ‘एमआयडीसी’ पोलिस ठाण्यात फिर्याद दाखल केली आहे. OBC Caste: ओबीसीमध्ये आणखी ‘या’ २९ जातींचा होणार समावेश? राज्य सरकार पाठविणार केंद्राकडे प्रस्ताव
त्यानुसार, गणेश चंद्रकांत बोराटे (वय ४०, रा. बोराटेवस्ती, मोशी), सचिन कदम (वय ३०), रमेश धनगावे (वय ३१), आणि नवनाथ लांडगे (वय ४०, सर्व रा. संजय गांधीनगर, मोशी) यांच्या विरोधात गुन्हा दाखल करण्यात आला असून, आरोपी गणेश बोराटे याला अटक करण्यात आली आहे. पोलिसांनी दिलेल्या माहितीनुसार, तुकाराम साळवे आणि त्याचे मित्र आरोपी गप्पा मारत बसले होते. दारू विकत आणण्याच्या कारणावरून आरोपी आणि तुकाराम यांच्यात भांडण झाले. या वेळी आरोपीने तुकारामला शिवीगाळ करून हाताने मारहाण केली. आरोपींनी चाकूने तुकाराम याच्या गळ्यावर वार केले. भोसरी एमआयडीसी पोलिस तपास करीत आहेत
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा