अजितदादांचं हे प्रत्युत्तर ऐकताच उपस्थितांमध्ये हास्याची आणि आनंदाची लाट उसळली. क्षणभरासाठी राजकीय कार्यक्रमाचं औपचारिक वातावरण अगदी हलकंफुलकं झालं. हा गमतीशीर आणि हृद्य प्रसंग सहकार नेते सुधीर कोठारी यांच्या घरासमोर घडला. पक्षाच्या कार्यकर्त्यांमध्ये आणि उपस्थित नागरिकांमध्ये अजित पवार यांच्याविषयीचं प्रेम व आपुलकी या क्षणातून अधोरेखित झाली.

रोहित पवार यांना जामीन मंजूर, विशेष PMLA कोर्टाचा मोठा निर्णय

मला पाया पडलेलं आवडत नाही

अजित पवार सकाळी वर्धा जिल्ह्याच्या दौऱ्यावर होते. अजितदादा पोहोचल्यानंतर ते त्यांच्या कारमधून उतरतात. त्यावेळी दादांच्या स्वागतासाठी कारसमोर अनेक कार्यकर्ते, पदाधिकारी हातात हार, पुष्पगुच्छ घेऊन उभे होते. दादा कारमधून उतरल्यानंतर जमलेले कार्यकर्ते त्यांच्या पाया पडण्यासाठी पुढे सरसावले. त्यावेळी अजित पवारांनी त्यांना अरे, पाया पडू नका. मला पाया पडलेलं आवडत नाही, असं म्हटलं.

त्याचवेळी तिथे वर्ध्यात अनेक कार्यकर्त्यांप्रमाणे एका कार्यकर्त्याने दादांसाठी हार आणला होता. एका पदाधिकाऱ्याने त्या कार्यकर्त्याकडे दादांना घालण्यासाठी हार मागितला. त्यावेळी कार्यकर्त्याने प्लास्टिकच्या पिशवीतून हार बाहेर काढला आणि ती प्लास्टिकची पिशवी खालीच रस्त्यात टाकून दिली.

दररोजच्या अपमानाला वैतागलोय, आता मी…; पत्र लिहून SBI क्लर्क बेपत्ता, परिसरात एकच खळबळ

कार्यकर्त्याची हीच कृती अजित पवारांनी पाहिली आणि एका क्षणाचाही विलंब न करता त्यांनी त्या प्लास्टिक पिशवी खाली टाकणाऱ्या कार्यकर्त्याला झापलं. कचरा करायचा? काय रे तुम्ही, वेड्याचा बाजार, घे ती प्लास्टिकची पिशवी इथे… असं बोलून स्वत: अजित दादा ती पडलेली पिशवी उचलण्याखाली खाली वाकतात. पण तेवढ्यात आणखी एक जण खाली वाकून ती पडलेली पिशवी उचलतो. या दौऱ्यावेळी अजित दादांची ही कृती पुन्हा एकदा त्यांच्या रोखठोकपणाचा आणि शिस्तप्रियतेचा दाखलाच देऊन गेली.