Dhule Crime News: धुळे जिल्ह्यातील शिरपूर तालुक्यात स्वातंत्र्यदिनी संतापजनक घटना घडली असून एका आठ वर्षीय मुलीवर लैंगिक अत्याचार झाल्याची धक्कादायक घटना घडली. आरोपी अनिल काळे याला अटक करण्यात आली असून, संतप्त जमावाने त्याच्या हॉटेलची तोडफोड केली.
याबाबत अधिक माहिती अशी की, 15 ऑगस्ट रोजी या नराधमाने चिमुरडीवर लैंगिक अत्याचार केले. या घटनेत पीडित मुलगी गंभीर जखमी झाली असून, तिच्यावर रुग्णालयात उपचार सुरू आहेत. घटनेची माहिती परिसरात पसरताच संतप्त जमावाने आरोपीच्या हॉटेलची मोठ्या प्रमाणात तोडफोड केली, ज्यामुळे काही काळ परिसरात तणावाचे वातावरण निर्माण झाले होते.
Solapur News : दक्षिण सोलापुरात अनेक गावांचा संपर्क तुटला, नद्यांच्या पाणी पातळीत वाढ, शेतकऱ्यांना अन् नागरिकांना सतर्कतेचा इशारा
याप्रकरणी संतप्त आदिवासी संघटनांनी पोलीस अधीक्षकांना लेखी निवेदन सादर केले असून, हा खटला जलदगती न्यायालयात (फास्ट-ट्रॅक कोर्ट) चालवून आरोपीला कठोरात कठोर शिक्षा द्यावी, अशी मागणी केली आहे. धक्कादायक बाब म्हणजे, आरोपीच्या चहा-नाश्त्याच्या हॉटेलच्या झडतीमध्ये पोलिसांना गांजासदृश पदार्थ आणि दारूच्या रिकाम्या बाटल्यांचा खच आढळून आल्याने खळबळ उडाली आहे.
दरम्यान, आज (16 ऑगस्ट) सकाळी घटनास्थळी फॉरेन्सिक लॅबच्या पथकाने भेट देऊन पुरावे गोळा केले. पोलीस उपविभागीय अधिकारी सुनील गोसावी आणि सांगवी पोलीस ठाण्याचे निरीक्षक जयपाल हिरे यांनीही घटनास्थळाची पाहणी करून तपासाला गती दिली आहे. शिरपूर तालुका पोलीस या प्रकरणाचा युद्धपातळीवर तपास करत असून आरोपीला नेमकी काय शिक्षा होते, हे पाहणे महत्त्वाचे ठरणार आहे.
लेखकाबद्दलअक्षय शितोळेअक्षय शितोळे | २०१८ पासून डिजिटल मीडियात कार्यरत असून सध्या मटा ऑनलाइनमध्ये प्रिन्सिपल डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील रिपोर्टर्ससोबत समन्वय साधण्याचेही काम करत आहे. राजकीय बातम्यांमध्ये विशेष रस, बातम्यांमागची बातमी अर्थात घडामोडींचा विश्लेषणात्मक आढावा घेण्याचा सातत्याने प्रयत्न असतो. शेती आणि ग्रामीण जीवन हे जिव्हाळ्याचे विषय आहेत. यापूर्वी लोकमत, न्यूज १८ लोकमत आणि एबीपी माझा या संस्थांमध्येही कामाचा अनुभव असून मुंबईतील रूईया महाविद्यालयातून पत्रकारितेत पदवी प्राप्त केली आहे.… आणखी वाचा