राज्याचे उपमुख्यमंत्री आणि राष्ट्रवादी काँग्रेसचे प्रमुख नेते अजित पवार हे सांगली जिल्हा दौऱ्यावर आहेत. यावेळी ते पक्षाचा कार्यकर्ता मेळावा आणि इतर काही कार्यक्रमांना उपस्थित राहणार आहेत. या कार्यक्रमांसाठी सांगलीकडे जाण्यापूर्वी कोल्हापूर विमानतळावर पोहोचल्यावर अजित पवार यांनी माध्यमांशी संवाद साधला. यावेळी आमदार रोहित पवार यांनी केलेल्या टीकेवर देखील अजित पवार यांनी थेट प्रतिक्रिया दिली आहे. दोनच दिवसांपूर्वी राष्ट्रवादी शरद पवार पक्षाचे आमदार रोहित पवार यांनी अप्रत्यक्षपणे अजित पवारांवर टीका केली होती.

Pune Accident News : एअरबॅग्स उघडल्या, एक बाजू दबली, पुण्यात मद्यधुंद चालकाकडून DCPच्या कारला धडक, मुलगी जखमी

काही दिवसांपूर्वी राष्ट्रवादी काँग्रेस अजित पवार पक्षाच्या युवक संघटनेचे प्रदेशाध्यक्ष असलेले सूरज चव्हाण यांनी छावा संघटनेचे प्रदेशाध्यक्ष विजय घाडगे पाटील यांना मारहाण केल्याचे प्रकरण समोर आलं होतं. यावेळी सूरज चव्हाण यांना थेट पदाचा राजीनामा देण्याचे आदेश अजित पवार यांनी दिले. मात्र त्यानंतर काही दिवसांनी आता सूरज चव्हाण यांच्यावर राष्ट्रवादी काँग्रेस अजित पवार गटाच्या सरचिटणीसपदाची जबाबदारी सोपविण्यात आली आहे. सुरज चव्हाण यांच्या या निवडीबद्दल दोनच दिवसांपूर्वी रोहित पवार यांनी प्रश्न उपस्थित केला होता. त्यांनी आपल्या एक्स अर्थात ट्विटर अकाऊंटवरून ट्विट करत पक्षातील या नियुक्तीवर टीका केली होती. तर रोहित पवार यांच्या या टीकेला अजित पवारांनी जोरदार प्रत्युत्तर दिलं आहे.

पुतण्याच्या टीकेला काकांचे जोरदार प्रत्युत्तर

अजित पवारांनी पत्रकारांशी बोलताना स्पष्ट शब्दात सांगितले की, ‘आमच्या पक्षात काय करावे, हे ठरवण्यासाठी इतरांनी फुकटचा सल्ला देण्याची गरज नाही. काहींना वाटतंय की साऱ्या महाराष्ट्राचा मक्ता त्यांच्याकडे दिलेला आहे, पण प्रत्येकाने आपापला पक्ष सांभाळावा, दुसऱ्यांच्या पक्षात नाक खुपसायचं कारण नाही.’

MHADA House Rules: MHADA लॉटरीत मिळालेले घर विकता येते का? भाड्याने देता येतात का? म्हाडाचे नियम एकदा पाहाच

सांगलीमधील कार्यकर्ता मेळाव्याबाबतही अजित पवार यांनी सांगितलं. पक्षवाढीसाठी, कार्यकर्त्यांचा उत्साह वाढवण्यासाठी पक्ष नेतृत्वाने प्रयत्न करणे गरजेचे असते. त्यामुळेच या मेळाव्याचे आयोजन करण्याचं आल्याचे अजित पवार म्हणाले आहेत.

Pune Crime : तिघे आत शिरले, एकटा सोनार पुरून उरला, पुण्यातील फसलेल्या चोरीचं CCTV फुटेज समोर

दरम्यान, रोहित पवार यांच्याकडून सतत अजित पवारांवर अप्रत्यक्ष टीका केली जात आहे. तर अजित पवारांच्या प्रत्युत्तरामुळे राष्ट्रवादी काँग्रेसमधील दोन गटांतील अंतर्गत संघर्ष पुन्हा एकदा उघड झाला आहे. या घडामोडींमुळे राजकीय वर्तुळातील चर्चांना चांगलाच ऊत आला आहे. तसेच राष्ट्रवादी काँग्रेसच्या दोन्ही गटांतील संघर्षाचा सूर पुढे आणखी तीव्र होण्याची चिन्हे अधिक स्पष्ट झाली आहेत.