या अपघातात जाधव यांच्या गाडीचं मोठं नुकसान झालं असून, अपघातात डीसीपी जाधव यांच्या मुलीला किरकोळ दुखापत झाली आहे. सुदैवानं जीवितहानी टळली असली तरी घटनेनंतर परिसरात काही वेळ प्रचंड गोंधळ उडाला होता. स्थानिक नागरिकही या अपघातामुळे संतप्त झाले होते.

Pune Crime : तिघे आत शिरले, एकटा सोनार पुरून उरला, पुण्यातील फसलेल्या चोरीचं CCTV फुटेज समोर

घटनेची माहिती मिळताच मुंढवा पोलिसांनी तातडीने घटनास्थळी धाव घेतली. दारूच्या नशेत वाहन चालवणाऱ्या चालकाला आणि त्याच्यासोबत असलेल्या दुसऱ्या आरोपीला पोलिसांनी ताब्यात घेतलं. त्यांच्या रक्तातील अल्कोहोलची पातळी तपासण्यासाठी वैद्यकीय चाचणी घेण्यात आली असून, ‘ड्रिंक अँड ड्राईव्ह’ कलमानुसार गुन्हा नोंदविण्याचं काम सुरु आहे. या प्रकरणी मुंढवा पोलिस ठाण्यात गुन्हा दाखल करण्यात आला असून, पुढील तपास पोलिसांकडून सुरू आहे. पोलिसांनी आरोपींवर कठोर कारवाई केली जाईल, असंही स्पष्ट केलं आहे.

चालकाने नियंत्रण गमावल्याने ही धडक झाली. या प्रकरणी अधिक तपास सुरू असून, आरोपीची वैद्यकीय चाचणी करण्यात येत आहे. अशी माहिती पोलिसांनी दिली आहे. ही घटना पुण्यातील वाढत्या मद्यधुंद वाहनचालकांच्या अपघातांच्या मालिकेतील एक नवीन भर आहे, ज्यामुळे रस्ता सुरक्षेचा प्रश्न पुन्हा एकदा ऐरणीवर आला आहे.

सलग सुट्ट्यांमुळे लोणावळ्यात पर्यटकांची प्रचंड गर्दी, एक्सप्रेस वेवर मोठी वाहतूक कोंडी, वाहनांच्या 10 KM पर्यंत रांगा

दरम्यान, शहरातील वाढत्या बेफाम वाहनचालकांबाबत पुन्हा एकदा गंभीर प्रश्नचिन्ह उपस्थित झालं आहे. मद्यपान करून वाहन चालवणं ही केवळ स्वतःच्या जीवाशी खेळण्यासारखी गोष्ट नसून, इतर निरपराध नागरिकांच्या जीवितालाही मोठा धोका निर्माण करणारी बाब आहे. पोलिसांकडून वेळोवेळी ड्रिंक अँड ड्राईव्हविरोधात मोहिमा राबवल्या जातात; मात्र तरीसुद्धा असे प्रकार घडत असल्याने नागरिकांमध्ये तीव्र नाराजी व्यक्त केली जात आहे.