वांद्रे-कुर्ला संकुल परिसरातील गर्दी कमी करण्यासाठी एमएमआरडीएने 2016 मध्ये सांताक्रुझ-चेंबूर जोडरस्ता (एससीएलआर) प्रकल्पाचे काम हाती घेतले होते. त्याअंतर्गत बीकेसी ते कुर्ला, कुर्ला ते कलिना असे दोन प्रमुख उड्डाणपूल प्रवासी सेवेसाठी सुरू झाले आहेत. मात्र पश्चिम द्रुतगती मार्गावरील वाकोला जंक्शनवरील कोंडी कमी होणे आवश्यक होते. त्यासाठीच एमएमआरडीएने काटकोनातील केबल-आधारित पूल उभारला आहे.

कसा आहे पूल?

हा 1.66 किमी लांबीचा पूल वाकोला जंक्शन येथील सिग्नल तसेच पश्चिम द्रुतगती मार्गावरील विद्यमान उड्डाणपुलाच्या वरून आहे. त्यामुळे जमिनीपासून तो 25 मीटर उंचीवर आहे. हा पूल कुर्ल्याकडून येऊन वाकोला सिग्नलच्या वरून थेट विमानतळाच्या दिशेने पानबाई इंटरनॅशनल शाळेजवळ उतरतो. त्यामुळेच कुर्ला ते विमानतळ ही वाहतूक सोपी होणार आहे.
PM Modi Speech : पहलगाममध्ये सीमेपलिकडून येणाऱ्या दहशतवाद्यांनी धर्म विचारुन मारलं, सैन्याने ऑपरेशन सिंदूरद्वारे धडा शिकवला : मोदी
या पुलाला वाकोला जंक्शन येथे तब्बल 90 अंशाच्या कोनातील वळण आहे. हे वळण एकूण 100 मीटर लांबीचे आहे. त्यासाठीच हा पूल केबल-आधारित करण्यात आला आहे. दक्षिण आशियातील शहरी भागातील हा अशा प्रकारचा पहिला केबल-आधारित पूल आहे. यामध्ये एक 215 मीटर लांबीचा ऑर्थोट्रॉपिक स्टील डेक म्हणजेच पोलादी गर्डरचा वापर करण्यात आला आहे. पुलाची रुंदी 10.5 ते 17.2 मीटर असून हा पूल दुहेरी आहे. या पुलामुळे पूर्व आणि पश्चिम एक्सप्रेस महामार्ग यांच्यात सिग्नल विरहित जोडणी झाल्याचे एमएमआरडीएने म्हटले आहे.

Mumbai News : मुंबईत कुठेही पोहोचा 59 मिनिटांत, मुख्यमंत्री फडणवीसांची सर्वात मोठी खुशखबर, काय आहे योजना?
या उड्डाणपुलासोबतच एमएमआरडीएने कलानगर उड्डाणपुलाच्या एका मार्गिकेचेही उद्घाटन केले. यामुळे दक्षिण मुंबई ते धारावी ही जोडणी पूर्ण झाली आहे. हा 340 मीटर लांबीचा पूल आहे.