प्रवेशासाठी अ‍ॅपद्वारे नोंदणी करावी लागणारा किल्ले सिंहगड राज्यातील पहिलाच किल्ला ठरणार असून, प्रायोगिक स्वरूपात काही दिवस ही योजना राबविल्यानंतर अ‍ॅपद्वारे नोंदणी बंधनकारक केली जाणार आहे. दर वर्षी गडावर जाणाऱ्या पर्यटकांची संख्या वाढत असून, सुट्टीच्या दिवशी घाट रस्त्यावर वाहतूक कोंडी होते.
लोणावळ्यात पर्यटनासाठी जात असाल तर सावधान! पोलीस ‘अ‍ॅक्टिव्ह मोड’वर, नियम मोडल्यास कारवाई अटळ
सलग दोन वर्षे पावसाळ्यात तीन ते चार वेळा रविवारी दिवसभरात अचानक बारा ते पंधरा हजार पर्यटक गेल्याने त्यांच्या सुरक्षेचा मुद्दा पुढे आला होता. दोन वेळा घाटात दरड पडल्याने पर्यटक गडावर अडकलेही होते. या धर्तीवर अनियंत्रित पर्यटनाला शिस्त लावण्यासाठी वन विभागातर्फे पुढील वर्षभरात विविध उपाययोजना राबविण्यात येणार आहेत. याचाच एक भाग म्हणून ‘किल्ले सिंहगड’ मोबाइल अ‍ॅप विकसित केले आहे. वनमंत्री गणेश नाईक यांच्या हस्ते काही दिवसांपूर्वी या अ‍ॅपचे औपचारिक उद्घाटन करण्यात आले.

अँड्रॉइड मोबाइलच्या प्ले स्टोअरवर हे अ‍ॅप नागरिकांना डाउनलोड करता येणार असून, त्याद्वारे सिंहगडावर जाण्यासाठीचे ‘बुकिंग’ करता येणार आहे. आयफोनचा वापर करणाऱ्यांनाही ते लवकरच डाउनलोड करता येणार आहे. दोन्हीकडे या सुविधा उपलब्ध झाल्यानंतर सिंहगडवर जाण्यासाठी ऑनलाइन बुकिंग बंधनकारक करण्यात येईल. वन विभागातर्फे प्रतिदिन पर्यटकांची प्रवेश मर्यादाही जाहीर करण्यात येणार आहे, अशी माहिती वन अधिकाऱ्यांनी दिली आहे.
Pune Crime : बाल न्याय मंडळाच्या निर्णयात त्रुटी, पोर्श अपघात प्रकरणी पुणे पोलिस कोर्टात, अल्पवयीन चालकाचा गुन्हा निर्घृणच
काय आहे अ‍ॅपमध्ये ?

• महाराष्ट्र शासन गडावर जाण्यासाठी ऑनलाइन बुकिंगची सुविधा
• सिंहगडाची ऐतिहासिक माहिती
• वनसंपदा आणि वन्यजीवांची माहिती
• गडावर वाहतूक कोंडी, मधमाश्यांचा हल्ला किंवा अपघात झाल्यास अलर्ट
• गड परिसरात कोठेही वणवा लागल्यास त्याचीही माहिती
• गड परिसरातील पार्किंगची सुविधा

Pune Crime: वैवाहिक वादातून महिलेचा टोकाचा निर्णय; थेट कालव्या मारली उडी, पोलिसांनी वाचवले प्राण
पर्यटक आणि वनाधिकारी दोघांसाठी हे अ‍ॅप फायदेशीर ठरणार आहे. वन कर्मचाऱ्यांना दिवसभरात किती पर्यटक गडावर गेले याची सविस्तर माहिती मिळणार आहे. गडावर गर्दी वाढत असल्याचा अंदाज आल्यास, प्रवेश बंदचा निर्णय तत्काळ घेता येईल. – मनोज बारबोले, वन परिक्षेत्र अधिकारी, पुणे वन विभाग