पुणे आणि पिंपरी चिंचवड येथील गुन्हेगारीच्या घटना काही केल्या थांबताना दिसत नाहीत. कायदा मोडणाऱ्यांना कोणाचाच धाक शिल्लक नसल्याचे चित्र सध्या या दोन शहरात पाहायला मिळत आहे. याचाच प्रत्यय बुधवारी पुन्हा आला.

प्रांजल तावरे आणि यश पाटोळे यांचे चऱ्होली भागात प्रोटीन पझल शॉपही आहे. प्रांजल आणि यश हे गोपीनाथ वरपे याला आधीपासूनच ओळखत होते. जिथे प्रांजल आणि यश जिम ट्रेनर आहेत, तिथेच जिमसाठी गोपीनाथ वरपे सुद्धा यायचा आणि या ठिकाणीच या तिघांचीही ओळख झाली होती.

नेमकं काय झालं?

मिळालेल्या माहितीनुसार, यश पाटोळे आणि प्रांजल तावरे यांनी लल्ला उर्फ गोपीनाथ वर्पे याची डोक्यात लोखंडी रॉड घालून हत्या केली. प्रांजलला गोपीनाथ शिवीगाळ करायचा, पैशांची मागणी करत असल्यानं ती त्रासाला कंटाळली होती. यातूनच ही घटना घडल्याचा आरोप आहे.
Bengaluru Murder : 30 वर्षांचं सख्य, पण बालमित्राने घात केला; बायकोला नको त्या अवस्थेत रंगेहाथ पकडलं, यारानेच काटा काढला
प्रांजल आणि यश यांचं पार्टनरशिपमध्ये प्रोटीन पझल शॉप आहे. या शॉपमध्ये बुधवारी दुपारी गोपीनाथ आला होता. त्यावेळी पुन्हा एकदा प्रांजलला त्रास दिला, शिवीगाळ करत अश्लील बोलत असल्याने त्यांच्यात वाद झाला. यावेळी प्रांजलने गोपीनाथला कानशिलात मारली. तेव्हा तिने यशच्या मदतीने गोपीनाथला पहार आणि लोखंडी रॉड मारहाण केली. डोक्यात रॉड घातल्यानं गंभीर जखमी झालेल्या गोपीनाथला रुग्णालयात नेण्यात आलं होतं. मात्र उपचाराआधीच त्याचा मृत्यू झाला होता.

Chandrika Chaudhary : लेकीचं ‘लिव्ह इन रिलेशन’ समजताच बाप खवळला, दूध पाजून कायमचं झोपवलं, MBBS होण्याचं स्वप्न अधुरं, प्रियकर हरेश म्हणतो…
बुधवारी दुपारी प्रांजलने गोपीनाथला चऱ्होली फाट्यावर बोलावून घेतले. त्यानंतर दोघे दुचाकीवरून धाकट्या पादुका मंदिरासमोर गेले. तेथे प्रांजल आणि नंतर आलेल्या यश पाटोळे यांनी लोखंडी गजाने गोपीनाथच्या डोक्यावर जबर मारहाण केली. आरोपींनी त्याला जखमी अवस्थेत सोडून दुकानाचे बंद केले आणि निघून गेले.

गोपीनाथचा मृत्यू झाला हे समजताच प्रांजल आणि यश यांनी दिघी पोलीस ठाणे गाठले आणि केलेल्या गुन्ह्याची कबुली दिली. त्यानंतर दिघी पोलिसांनी दोघांना अटक केलं आहे. मात्र, गोपीनाथ प्रांजलकडे पैशांची मागणी का करायचा? शिवीगाळ देऊन त्रास का द्यायचा? हे अद्याप स्पष्ट झालेलं नाही. पोलीस पुढील तपास करत आहेत.