महाड तालुक्यातील मौजे उगवते कोंड येथील जमीन मालक मुकुल सुभाष यांना कोणत्याही प्रकारची कल्पना न देता संबंधित आरोपींनी महाड दुय्यम निबंधक कार्यालय येथे बनावट कागदपत्रांच्या आधारे खोटा दस्तऐवज बनवला. याबाबत मूळ मालकाला बातमी समजली असता त्यांनी पोलीस ठाण्यामध्ये तक्रार दाखल केली आहे.

आरोपी प्रकाश राजाराम निकम रा. शिवाजीनगर तालुका पोलादपूर, संतोष सखाराम शिंदे रा. मोरगिरी तालुका पोलादपूर, पूजा प्रकाश निकम रा.शिवाजीनगर तालुका पोलादपूर, सीमा संतोष शिंदे रा. मोरगिरी तालुका पोलादपूर आणि बनावट खातेदार चंद्रशेखर देवचंद शेठ राहणार गोवंडी या पाच जणांविरोधात भारतीय न्यायसंहिता कलम 420, 406, 465, 467, 468, 471, 34 प्रमाणे फसवणुकीचा गुन्हा दाखल करण्यात आला असून महाड शहर पोलीस ठाण्याचे पोलीस निरीक्षक संतोष जाधव यांच्या मार्गदर्शनाखाली सहाय्यक पोलीस निरीक्षक खाडे या संपूर्ण गुन्ह्याचा अधिक तपास करत आहेत.

महाड व पोलादपूर तालुक्यामध्ये जमिनीचे खूप मोठे गैरव्यवहार सुरू असून मूळ मालकांनो सावधान व्हा तसंच काही तक्रार असल्यास पोलीस ठाणे येथे संपर्क करा, असं आवाहन रायगड पोलिसांकडून करण्यात आलं आहे.