सुलेमान खान रहीम खान पठाण (वय २१, रा. छोटा बेटावद, जामनेर) असे मृ्त्युमुखी पडलेल्या तरुणाचे नाव आहे. लव्ह जिहादच्या संशयातून त्याला मारहाण केल्याची माहिती समोर येत आहे. याबाबत पोलिसांनी अद्याप दुजोरा दिलेला नाही.
Uday Samant: एकनाथ शिंदे पुन्हा मुख्यमंत्री व्हावेत, उदय सामंत यांची इच्छा, पालकमंत्रिपदासाठी कुणाचं नाव?
जळगाव जिल्ह्यातील बेटावद खुर्द येथील सुलेमान खान सोमवारी दुपारी काही कामानिमित्त जामनेर शहरात आला होता. या वेळी शहरातील एका कॅफेमध्ये काही तरुणांनी त्याला मारहाण केली. अल्पवयीन मुलीसोबत तो आल्याच्या संशयातून त्याला मारहाण करण्यात आल्याची माहिती आहे. त्यानंतर संशयितांनी त्याचा पाठलाग करीत त्याच्या गावापर्यंत जात त्याला पुन्हा मारहाण केली. सुलेमानच्या आईवडिलांनी मध्यस्थी करण्याचा प्रयत्न केला असता, त्यांनाही मारहाण करण्यात आल्याचे सांगण्यात येत आहे. या मारहाणीनंतर घरात आल्यावर पाणी पिल्यानंतर सुलेमानचा दुर्दैवी मृत्यू झाला.
Nashik Politics: भले राष्ट्रवादीशी युती करा; पण भाजप…, शिवसेना पदाधिकाऱ्यांचे नाशिकच्या बैठकीत आर्जव
या घटनेची माहिती मिळताच जळगावचे पोलिस अधीक्षक महेश्वर रेड्डी यांनी तत्काळ जामनेर पोलिस ठाण्याला भेट देऊन परिस्थितीचा आढावा घेतला. मारहाणीचे नेमके कारण अद्याप स्पष्ट झालेले नाही. मात्र, अल्पवयीन मुलीसोबत तो जामनेर येथे कॅफेमध्ये आल्याच्या संशयातून त्याला मारहाण केल्याची माहिती काही प्रत्यक्षदर्शींनी दिली. या घटनेनंतर मोठ्या संख्येने तरुणाचे कुटुंब, नातेवाईक व संतप्त जमाव पोलिस ठाण्यासमोर जमा झाला आहे. जामनेर पोलिस तपास करीत आहेत.