NCP Leader Rupali Chakankar : राज्य महिला आयोगाच्या अध्यक्षा रूपाली चाकणकर यांच्यावर दु:खाचा डोंगर कोसळला आहे. रक्षाबंधनादिवशी त्यांच्या मावसभावाचे निधन झालं आहे. सोशल मीडियावर पोस्ट करत त्यांनी माहिती दिली आहे.
रूपाली चाकणकरांची पोस्ट
बाळराजे, रक्षाबंधनाच्या दिवशी तुझं असं सोडून जाणं प्रचंड वेदनादायक आहे. अफाट प्रेम, प्रचंड काळजी घेणारा तू, मनापासून सगळं बोलणारा, असं कसं न सांगता निघून गेला. न सांगता गेलास….. काय आणि कशी श्रद्धांजली वाहू, अशी पोस्ट करत रूपाली चाकणकर यांनी आपले दु:ख व्यक्त केले आहे. या घटनेबाबत विविध राजकीय, सामाजिक आणि महिला संघटनांकडून बाळराजे माळी यांच्या निधनाबद्दल शोक व्यक्त करण्यात येत असून, रक्षा बंधनाच्या दिवशीच झालेला हा विरह चाकणकर कुटुंबासाठी आयुष्यभर विसरता न येणारा ठरला आहे.
दरम्यान, रक्षाबंधनाच्या दिवशी भावाचं निधन म्हणजे प्रत्येक बहिणीसाठी मानसिक धक्का असतो. बाळराजे माळी यांच्या जाण्याने रूपाली चाकणकरांवर दु:खाचा डोंगर कोसळला आहे. राजकीय मतभेद बाजूला ठेवत बाळराजेंच्या निधनावर राजकीय नेत्यांनी शोक व्यक्त केला आहे.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाईनमध्ये डिजिटल कंटेंट प्रोड्युसर म्हणून कार्यरत आहेत. 2020 पासून पत्रकारितेच्या क्षेत्रात आहेत. राजकीय, स्पोर्ट्स, आणि क्राईम या विषयांच्या बातम्यांमध्ये विशेष आवड. पुण्यातील आबासाहेब गरवारे महाविद्यालयात पत्रकारितेमध्ये आपली पदवीचे शिक्षण पूर्ण केले. त्यानंतर थोडक्यात, झी २४ तास, टीव्ही९ मराठी या माध्यमांमध्येही ऑनलाईन टीममध्ये काम केले आहे.… आणखी वाचा