बारड महामार्गावर पोलीस टॅब आहे. या महामार्गवरून येणाऱ्या जाणाऱ्या वाहनांची पोलिसांकडून तपासणी केली जाते. काल शनिवारी दुपारी तेलंगणा पासिंग असलेली कार नंबर टी.एस १६ ईपी २००२ हे वाहन बारड महामार्गावरून जात होती. पोलिसांना सदरील कार संशयित आढळून आल्याने चालकास वाहन बाजूला लावण्यास सांगितलं. कारच्या पाठीमागील डिक्कीमधून रक्त गळत असल्याचं निदर्शनास आलं. पोलिसांनी विचारणा करताच चालकाने गाडी घेऊन पळ काढला. यावेळी बारड मदत केंद्रावर कर्तव्यावर असलेले पोलीस कर्मचारी दादाराव श्रीरामे, परमेश्वर श्रीमंगले आणि जिनेवाड यांनी तात्काळ पोलिसांच्या गाडीतून त्या वाहनाचा पाठलाग केला. पाठलाग करत असताना तोरणा तांडा मार्गावर पोलिसांची गाडी उलटली. या अपघातात पोलीस कर्मचारी जखमी झाले. त्यांना गंभीर दुखापत झाली असून रुग्णालयात उपचार सुरु आहे.

Beed News : सुरेश धसांचा कार्यकर्ता खोक्याला जामीन मंजूर, पण कोठडीतच रहावं लागणार, काय कारण?
दरम्यान, तोरणा तांडा येथे असलेल्या नागरिकांच्या मदतीने पोलिसांनी ती संशयित कार ताब्यात घेतली. यावेळी तपासणी केली असता कारमध्ये असलेल्या पाच ते सहा पाण्याच्या जारमध्ये सव्वाशे क्विंटल गोमांस आढळून आलं. पोलिसांनी वाहनासह दोन आरोपींना ताब्यात घेतल्याची माहिती आहे. या प्रकरणी बारड पोलीस ठाण्यात गुन्हा दाखल करण्यात आला आहे. गो-हत्येवर बंदी असताना गोमांसची तस्करी सुरु आहे. कोणालाही संशय येऊ म्हणून तस्कराकडून वेगवेगळी शक्कल लढवली जात आहे. याचाच प्रत्यय कालच्या घटनेवरून पाहायला मिळत आहे. दरम्यान या घटनेनं एकच खळबळ उडाली आहे.