शिरूर पोलिसांनी खोक्याच्या घरावर छापा मारल्यानंतर वन्यप्राण्यांच्या शिकारीचे साहित्य, प्राण्यांचे मांस, गांजा आढळून आलं होता. याप्रकरणी अँडव्होकेट राजन धसे यांनी युक्तिवाद केला. त्यानुसार शिरूर कासार येथील प्रथम वर्ग न्यायदंडाधिकारी यांनी त्याचा जामीन अर्ज मंजूर केला आहे. शिरूरमधील दिलीप ढाकणे आणि त्याचा मुलगा महेश ढाकणे यांना मारहाण केल्याचा व्हिडिओ समाज माध्यमांवर व्हायरल झाल्यानंतर सतीश भोसले उर्फ खोक्याचे दहशत चर्चेचा विषय बनली होती. गुन्हेगारी पार्श्वभूमी असलेल्या सतीश भोसले विरोधात गंभीर गुन्ह्यांच्या नोंदी आहेत.
‘आता कुणाचे लाड करणार नाही, आका का फाका चालणार नाही’, अजित पवार बीडमध्ये कुणाला बोलले?
प्राणघातक हल्ला, फसवणूक, खूनाचा गुन्हा असे वेगवेगळ्या पोलीस ठाण्यांमध्ये गुन्हे दाखल असून वन विभागाच्या जागेवर दुमजली इमारत आणि त्या बाजूला आलिशान ऑफिस मधून सतीश भोसले त्याचा कारभार चालवत असल्याचं समोर आलं होतं .त्यानंतर वन विभागाने त्याच्या घरावर ऑफिसवर बुलडोझर चालवल्यानंतर त्याची न्यायालयीन कोठडीत रवानगी झाली होती . काही महिन्यांपूर्वी सतीश भोसले च्या घरावर वनविभागाने कारवाई केली होती. त्यानंतर त्याच्या घरात शिकारीचे साहित्य तसेच वन्यजीवांचे मास आढळून आले होते. खोक्याची पत्नी किरण भोसले आणि तिच्या परिसरातील महिलांनी देखील बीड येथील जिल्हाधिकारी कार्यालयाच्या समोर त्यांचेवर अत्याचार केला आणि त्यांचे घरे पाढली या मागणीला घेऊन न्याय मागण्यासाठी अमरण उपोषण करण्यासाठी बसले होते.
Beed News : महादेव मुंडे खून प्रकरणात मोठी अपडेट, SIT प्रमुख पंकज कुमावतांनी खेळली चाल, लवकरच…
सतीश भोसले उर्फ खोक्या हा शिरूर कासार तालुक्यातील झापेवाडीचा रहिवासी आहे . मागील पाच वर्षांपासून तो राजकारणात सक्रिय होता. भाजप आमदार सुरेश धस यांचा जवळचा सहकारी व भाजपचा पदाधिकारी अशी त्याची ओळख आहे. या अगोदर सतीश भोसले वर अनेक गंभीर गुन्ह्यांची नोंद आहे. काही महिन्यांपूर्वी समाज माध्यमांवर दहशत पसरवणारे त्याचे व्हिडिओ व्हायरल झाले होते .वनविभागाची कारवाई व घरात सापडलेल्या ऐवजामुळे बीडमध्ये व राज्यभर खोक्याची एकच चर्चा झाली होती.