तळंदगे गावातील शेतकरी धोंडीबा नानासो फडतारे गुरुवारी सकाळी सुमारे नऊच्या सुमारास शेतात गेले होते, त्यांना माती उकरलेली दिसली. ही बाब संशयास्पद वाटल्याने त्यांनी मुलगा विनोद फडतारे याला घटनेची कल्पना दिली. विनोद यांनी लगेच गावचे पोलीस पाटील सूर्यकांत पाटील यांना संपर्क केला. पोलीस पाटील यांनी त्वरित हुपरी पोलीस ठाण्यात कळवले. पोलिस निरीक्षक एन. आर. चौखंडे यांच्या नेतृत्वाखाली पथक घटनास्थळी दाखल झाले. त्यांनी माती उकरून पाहिल्यावर अंदाजे तीन महिन्यांचे अर्भक मृतावस्थेत मिळून आले. याचबरोबर घटनास्थळी हँडग्लोव्हज, रक्त लागलेल्या पिशव्या, मीठ आणि काही संशयास्पद वस्तू सापडल्या. या सर्व वस्तू पोलिसांनी पुरावा म्हणून जप्त केल्या आहेत.
Kolhapur News : दक्षिण महाराष्ट्राला पाच हजार कोटींचा फटका, आयातशुल्क वाढीमुळे वाहनांचे सुटे भाग, हळद, बेदाणे, कापड निर्यातीवर परिणाम
घटनेचे गांभीर्य लक्षात घेता इचलकंरजी विभागाचे उपविभागीय पोलीस अधिकारी (डीवायएसपी) विक्रांत गायकवाड, अप्पर तहसीलदार महेश खिलारे यांनी घटनास्थळी भेट देऊन पंचनामा केला. फॉरेन्सिक तज्ञांची टीमही तपासासाठी आली असून जागेवरून वैज्ञानिक पुरावे संकलित करण्यात आले आहेत.
Raju Shetti Slams PETA : महादेवीबाबत पेटाच्या ‘लेटर बॉम्ब’वर राजू शेट्टींचा संताप; हिंदू परंपरेवर आघात म्हणत झापले
घटनास्थळाजवळ औद्योगिक वसाहत असून येथे अनेक परप्रांतीय कुटुंबे वास्तव्यास आहेत. त्यामुळे अर्भकाचे पालक कोण, मृत्यूचे कारण काय आणि हे अमानुष कृत्य कोणी केले, हे ओळखणे पोलिसांसाठी मोठे आव्हान ठरत आहे. रात्री उशिरापर्यंत या प्रकरणी गुन्हा नोंद करण्याची प्रक्रिया सुरू होती. हुपरी पोलिसांकडून एपीआय विकास शिंदे यांच्या मार्गदर्शनाखाली तपास सुरू आहे.
अखेर कोल्हापूरकरांसमोर ‘वनतारा’ झुकलं! ‘महादेवी’ पुन्हा नांदणी मठात येणार
दरम्यान या घटनेने तळंदगे गावासह परिसरातील नागरिकांमध्ये भीती आणि संतापाचे वातावरण आहे. पोलिसांकडून परिसरातील सर्व रहिवाशांची चौकशी, तसेच सीसीटीव्ही फूटेज तपासले जात आहेत. नागरिकांकडूनही तपासात सहकार्य केले जात आहे. पोलिसांचा विश्वास आहे की, लवकरच आरोपींचा शोध लागेल आणि त्यांच्यावर कठोर कारवाई केली जाईल.