काय झालं नेमकं?

सकाळी शेजाऱ्यांनी दरवाजा उघडून पाहिलं असता, त्यांना महिलेचा मृतदेह सापडला. यावेळी तिचे हातपाय घट्ट बांधलेले होते, तर शरीरावर गंभीर जखमांच्या खुणा होत्या. मृत्यू होण्यापूर्वी महिलेने प्रतिकार केला असावा, अशी शक्यता व्यक्त केली जात आहे. घटनेची माहिती मिळताच चिपळूण पोलिसांनी घटनास्थळी धाव घेतली. वरिष्ठ अधिकाऱ्यांनी घटनास्थळाची पाहणी केली असून पंचनाम्याचे काम सुरू आहे. त्यांच्या घरात सीसीटीव्ही लावण्यात आले होते. त्यांच्या घरातील सीसीटीव्ही फूटेज डीव्हीआरही गायब करण्यात आला आहे. हा खून चोरीच्या उद्देशाने करण्यात आल्याचा प्राथमिक अंदाज आहे. महिलेच्या पतीचे अकरा वर्षांपूर्वी निधन झालं आहे. त्यांना कोणतेही आपत्य नव्हते. त्या घरी एकट्याच राहत असत.
Thane Crime : निळ्या टीशर्टवाल्याने माझ्याशी… ठाण्याच्या नामांकित शाळेत 4 वर्षीय मुलीसोबत गैरकृत्य, CCTV मध्ये मात्र…
चिपळूण तालुक्यातील धामणवणे गावात आज सकाळी उघडकीस आलेल्या एका थरारक घटनेने परिसर हादरून गेला आहे. 68 वर्षीय महिलेचा अज्ञात व्यक्तींनी हातपाय बांधून निर्घृण खून केला. या घटनेने चिपळूण शहरात भीती आणि संतापाचे वातावरण निर्माण झाले आहे.
Pune News : इंजिनिअर पतीचा घटस्फोटाचा दावा, पत्नीची मुलासाठी 30 लाखांची मागणी, पुण्यातील दाम्पत्याचा वाद सामोपचाराने कसा मिटला?
हत्या कुणी आणि का केली? यामागे आणखी कोणते धागेदोरे आहेत का? हे अजून स्पष्ट झालेले नाही. पोलीस तपासात काही संशयित व्यक्तींवर लक्ष केंद्रित करण्यात आले असून खुनामागचे गुंतागुंतीचे रहस्य उलगडण्यासाठी तपास अधिक वेगात सुरू आहे.

जिल्हा पोलीस अधीक्षक नितीन बगाटे, अपर जिल्हा पोलीस अधीक्षक बाबुराव महामुनी, उपविभागीय पोलीस अधिकारी राजेंद्र राजमाने यांच्या मार्गदर्शनाखाली चिपळूण पोलिसांनी या घटनेचा तपास सुरु केला आहे.