Raj Thackeray may join Maha Vikas Aghadi : शिवसेना हा महाविकास आघाडीचा प्रमुख घटक पक्ष असल्यामुळे शिवसेना-मनसे अशी युती होणार की मनसे महाविकास आघाडीचा घटक पक्ष बनणार याबाबत तर्कवितर्क लढवले जात आहेत
बुधवारी महापालिका आयुक्त आणि मनसेचे कार्यकर्ते यांच्यात झालेल्या वादाच्या पार्श्वभूमीवर महाविकास आघाडीचे घटक पक्ष आज गुरुवारी मनसेसोबत महापालिकेत निषेध आंदोलन करणार आहेत.
बुधवारी महापालिकेत आयुक्तांच्या अध्यक्षतेखाली सुरु असलेल्या बैठकीत महाराष्ट्र नवनिर्माण सेनेच्या (मनसे) कार्यकर्त्यांनी अचानक प्रवेश केल्याने आयुक्त नवलकिशोर राम आणि माजी नगरसेवक किशोर शिंदे यांच्यात जोरदार शाब्दिक चकमक झाली. यात शिंदे थेट आयुक्तांच्या अंगावर धावून गेल्याने आयुक्तही संतापले. त्यातच आयुक्तांनी ‘बाहर जाओ’असे सांगितल्याने वादाला वेगळीच किनार मिळाली.
सुमारे तीन-साडेतीन तासांच्या नाट्यानंतर पोलिसांनी शिंदे व सहकाऱ्यांना ताब्यात घेतले. महापालिकेच्या अधिकाऱ्यांनी दिलेल्या तक्रारीवरून त्यांच्या विरोधात सरकारी कामात अडथळा आणल्याचा गुन्हा दाखल झाला आहे. या पार्श्वभूमीवर महापालिकेच्या आयुक्तांची दडपशाही, राजकीय पदाधिकाऱ्यांना दिलेली अपमानास्पद वागणूक आणि मराठीचा अवमान या विरोधात गुरुवारी दुपारी एक वाजता महापालिकेबाहेर आंदोलन केले जाणार आहे.
Vitthal More : उद्धव ठाकरेंना पुन्हा धक्का, विश्वासू शिलेदाराचा राजीनामा, म्हणाले मनमानी करणारे…
या आंदोलनात महाविकास आघाडीचे घटक पक्ष असलेले काँग्रेस, शिवसेना (उद्धव बाळासाहेब ठाकरे )आणि राष्ट्रवादी काँग्रेस शरद पवार पक्षाचे शहराध्यक्ष याचबरोबर महाराष्ट्र नवनिर्माण सेनेचे शहराध्यक्ष साईनाथ बाबर आणि समाजवादी पक्षाचे शहराध्यक्ष जांबुवंत मनोहर सहभागी होणार आहेत.
शेतकऱ्यांसाठी बच्चू कडूंची साद, मनसेचा पाठिंबा, राज ठाकरे प्रहारच्या यात्रेत सहभागी होणार?
नव्या शैक्षणिक धोरणानुसार राज्यात तिसरी भाषा म्हणून हिंदीची सक्ती करण्याचा अध्यादेश काढण्यात आला होता. याविरोधात राज्यभर असंतोष उफाळला. या निर्णयाला प्रामुख्याने मनसे व शिवसेना (ठाकरे) या दोन्ही पक्षांनी ही विरोध केला होता. त्यानंतर राज्य सरकारने ही सक्ती मागे घेतली. मात्र, तेव्हापासून शिवसेना आणि मनसेची जवळीक वाढली आहे. मुंबईतील विजयी मेळाव्यानंतर नुकतेच उद्धव ठाकरे यांच्या वाढदिवसाला राज ठाकरे यांनी मातोश्रीवर जात शुभेच्छा दिल्या होत्या. त्यानंतर दोन्ही पक्षांमध्ये महापालिका निवडणुकांसाठी युती होणार असल्याची जोरदार चर्चा आहे.
Ravindra Chavan MaTa Katta : ठाकरे बंधूंची युती निश्चित, भाजप प्रदेशाध्यक्ष रवींद्र चव्हाण म्हणाले, भावनात्मक मुद्द्यांवर कुणाला…
मात्र, शिवसेना हा महाविकास आघाडीचा प्रमुख घटक पक्ष आहे. त्यामुळे शिवसेना मनसे अशी युती होणार की मनसे महाविकास आघाडीचा घटक पक्ष बनणार याबाबत तर्कवितर्क लढवले जात आहेत. या पार्श्वभूमीवर पुण्यात पहिल्यांदाच मनसे साठी होत असलेल्या आंदोलनात महाविकास आघाडी सहभागी होणार असल्याने मनसेही महाविकास आघाडी सोबत जाणार का याची चर्चा रंगली आहे.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा