मराठा आंदोलक मनोज जरांगे पाटील यांनी शेवटच्या आंदोलनाची हाक दिली आहे. जरांगेंच्या उपोषणाचा पहिलाच दिवस असून अंतरवाली सराटी येथे गर्दी होताना दिसत आहे. सकाळपासूनच राज्यभरातील मराठा समाज बांधव अंतरवालीत दाखल होण्यास सुरुवात झाली आहे. मनोज जरांगेंना पाठिंबा देत मराठा बांधव फडणवी सरकारवर जोरदार टीका करत आहेत. आमचा अंत बघू नका, असं म्हणत जरांगे समर्थकांनी आक्रमक इशारा दिला आहे. आमच्या हक्काचं आरक्षण आम्हाला द्या, अशी मागणी अंतरवालीत जोर धरते आहे.