निळा टी शर्ट घातलेल्या एका व्यक्तीने गैरकृत्य केल्याचे पीडित मुलीने आईला सांगितले. त्यानंतर हा प्रकार समोर आला. 30 जुलै रोजी दुपारी शाळेच्या बाथरूममध्ये घडलेल्या या घटनेप्रकरणी प्रथम मुलुंड येथील नवघर पोलिस ठाण्यात गुन्हा दाखल झाला.

संबधित नामांकित शाळा ठाण्यात असल्याने तेथील वर्तकनगर पोलिस ठाण्यात हा गुन्हा वर्ग करण्यात आला, अशी माहिती पोलिसांनी दिली. पोलिसांनी शाळेतील सीसीटीव्ही कॅमेऱ्यातील चित्रीकरणाची पडताळणी केली. मात्र, चौकशीत काहीही आढळले नसल्याचे पोलिस अधिकाऱ्याने सांगितले.

ही मुलगी व तिची मैत्रीण बाथरूममध्ये जाताना कॅमेऱ्यात दिसत आहे. मात्र, अन्य कुणीही त्यांच्यासोबत किंवा नंतर आतमध्ये गेल्याचे दिसत नसल्याचे पोलिस अधिकाऱ्यांचे म्हणणे आहे.

महाराष्ट्र नवनिर्माण विद्यार्थी सेनेचे सरचिटणीस संदीप पाचंगे यांनी परिमंडळ पाचच्या पोलिस उपायुक्तांना पत्र देत बदलापूर येथील घटनेची पुनरावृत्ती होऊ नये यासाठी कठोर उपाययोजना कराव्यात, अशी मागणी केली आहे.

प्रशिक्षणार्थी तरुणीला शरीरसुखाची मागणी

दुसरीकडे, पोलिस भरतीचे प्रशिक्षण घेत असलेल्या तरुणीला धमकावणाऱ्या आणि जातीवाचक शिवीगाळ करत शरीरसुखाची मागणी करणाऱ्या आरोपीविरुद्ध भंडारा जिल्ह्यातील अड्याळ पोलिसांनी गुन्हा दाखल करत अटकेची कारवाई केली आहे. ही घटना उघडकीस आल्यानंतर पोलिसांनी तातडीने पावलं उचलली.
Mumbai Crime : बॉयफ्रेण्डशी शरीरसंबंध ठेवताना प्रायव्हेट पार्टला दुखापत, दादर रेल्वे पोलिसांना भलतंच सांगितलं, अखेर CCTV पाहिले अन्…
नितेश दामा हिवरकर, असे आरोपीचे नाव असून तो सोनेगाव (पहेला) गावचा रहिवासी आहे. आरोपी हा पोलिस भरतीपूर्व प्रशिक्षण केंद्रात प्रशिक्षक आहे. 28 जुलै रोजी त्याने मुलीसोबत फोनवर जातीवाचक अपमान केला. त्याने तिच्या पालकांना पैशाने विकत घेण्याची धमकी दिली. तसेच शरीरसुखाची मागणीही केली.
Crime News : पतीपासून विभक्त, 27 वर्षीय तरुणीला वकिलाने जाळ्यात ओढलं; आजारपणातही शरीरसंबंधांचा दबाव, दोनदा गर्भपात
या संभाषणाचे रेकॉर्डिंग व्हायरल झाले. यानंतर, अड्याळ पोलिसांनी 40 वर्षीय नितेश हिवरकर याच्याविरुद्ध विविध कलमांसह अनुसूचित जाती जमाती अत्याचार प्रतिबंधक कायद्याच्या अन्वये गुन्हा दाखल केला आहे. या प्रकरणाचा तपास उपविभागीय पोलिस अधिकारी मनोज सिडाम आणि सहाय्यक पोलिस निरीक्षक धनंजय पाटील करत आहेत.