या प्रकरणी पोलिसांनी राहुल तायडे याला अटक केली आहे. त्याला न्यायालयात हजर केले असता न्यायालयाने पाच दिवसाची पोलिस कोठडी सुनावली. आशा यांची हत्या करणाऱ्या दोन्ही मारेकऱ्यांचा पोलिस शोध घेत आहेत.
Sanjay Shirsat: सरकारचा पैसा आहे, आपल्या बापाचं काय जातंय? संजय शिरसाटांचं पुन्हा वादग्रस्त वक्तव्य
आशा धुळे यांची शुक्रवारी सायंकाळी हत्या करण्यात आली होती. या प्रकरणात पोलिसांना राहुल तायडे याच्यावर संशय होता. आशा यांच्या बहिणीने याबाबत तक्रार दिली होती. त्यामध्ये राहुल याच्यासोबत आशा याचा वाद असल्याचे नमूद केले होते. त्याच्याविरोधात आशा यांनी पोलिसांत तक्रारदेखील दिली होती. त्यामुळे पोलिसांनी राहुल तायडेला ताब्यात घेवून त्याची कसून चौकशी केली. त्यावेळी त्याने आशा यांची हत्या केल्याची कबूली दिली.

राहुल याचे अन्य एका महिलेसोबत अनैतिक संबंध होते. यामुळे त्याचे आशासोबत वाद होत होते. त्याला दुसऱ्या महिलेसोबत विवाह करायचा होता, ही बाब तपासात उघड झाली असल्याचे पोलिस उपायुक्त गणेश शिंदे यांनी सांगितले. राहुल याने आशा यांची सुपारी देवून हत्या केली, ही बाब त्याच्या १४ वर्षीय मुलामुळे उघडकीस आल्याचे ते म्हणाले.
Devendra Fadnavis: तुम्हालाही अटक होऊ शकते, पण…; CM देवेंद्र फडणवीसांचं राज ठाकरेंना प्रत्युत्तर
दरोड्याचा बनाव
आशा यांची नियोजनपूर्वक हत्या झाल्याचे लक्षात येवू नये, यासाठी दरोड्याचा बनाव करण्यात आला. त्यामुळेच राहुल हा घरातील सोने चोरीला गेल्याचे सांगत होता. आशा या फ्रेजरपुरा पोलिस ठाण्यात कार्यरत होत्या. त्यांचा पती राहुल राज्य राखीव पोलिस दलामध्ये कार्यरत आहे. गेल्या महिन्यात १३ तारखेपासून आशा या रजेवर होत्या. त्यांना चौदा वर्षांचा एक मुलगा आणि सात वर्षांची मुलगी आहे. शुक्रवारी सायंकाळी राहुल हा मुलीला शिकवणी वर्गाला सोडण्यासाठी गेला होता. तर मुलगा शाळेत गेला होता. आशा या घरात एकट्या असल्याची संधी साधून राहुल याच्या दोन सहकाऱ्यांनी त्यांची हत्या केली.