दिल्लीचा रहिवासी असलेला रोहित सिन्हा हा आयआयटी बॉम्बे येथे मेटा सायन्स विभागाचा चौथ्या वर्षाचा विद्यार्थी होता. मिळालेल्या माहितीनुसार, रात्री उशिरा त्याने वसतिगृहाच्या छतावरून उडी घेत आपली जीवन यात्रा संपवली. ही दुर्घटना घडताच वसतिगृहाच्या छतावर उपस्थित असलेल्या दुसऱ्या विद्यार्थ्याने आरडाओरडा केली. यानंतर लगेचच रोहितला जवळच्या हिरानंदानी रुग्णालयात नेण्यात आले. मात्र तिथे डॉक्टरांनी त्याला तपासून मृत घोषित कलं.
Ghaziabad News: आमच्या बॉडीला हात लावू नका, तुम्हाला पप्पा म्हणायलाही.. 22 पानांची चिठ्ठी लिहून भाऊ-बहिणीने जीव दिला
याप्रकरणाची माहिती मिळताच पवई पोलीस तात्काळ घटनास्थळी दाखल झाले. पोलिसांनी या प्रकरणात अपघाती मृत्यू अहवाल नोंदवला आहे आणि विद्यार्थ्याच्या या टोकाच्या निर्यणामागील कारणांचा शोध घेत आहेत. या घटनेशी संबंधित अद्याप कोणतीही सुसाईड नोट सापडलेली नाही. रोहितने इतके मोठे पाऊल का उचलले हे जाणून घेण्यासाठी पोलिस सध्या विद्यार्थी आणि त्याच्या कुटुंबीयांची चौकशी करत आहेत, अशी माहिती आहे.

रोहितच्या वसतिगृहात राहणाऱ्या दुसऱ्या एका विद्यार्थ्याने पोलिसांना सांगितले की तो टेरेसवर फोनवर बोलत होता. तेवढ्यात त्याला एका विद्यार्थ्याने सांगितलं की त्याने रोहितला सिन्हाला उडी मारताना पाहिले, सध्या पोलिसांना हा जबाब नोंदवला असून पुढील तपास सुरु आहे.

या घटनेनंतर आयआयटी बॉम्बेच्या कॅम्पसमध्ये एकच खळबळ माजली असून विद्यार्थ्यांमध्ये शोककूल वातावरण आहे. या घटनेने विद्यार्थी आणि शिक्षकांना धक्का लागला आहे. या प्रकरणी संस्थेकडून अद्याप कोणतेही अधिकृत निवेदन जारी करण्यात आलेले नाही.

पोलिसांनी मृतदेह ताब्यात घेतला असून तो शवविच्छेदनासाठी पाठवला आहे. डिजिटल पुराव्यांच्या आधारे पोलिस पुढील कारवाई करत आहेत.