आज पक्षसंघटनेतील काही महत्त्वाचे विषय आणि नियुक्त्यासंदर्भात भेट घेतली. अधिवेशन चालू आहे त्यामुळे साहेबांसोबत माझी चर्चा राहिली होती. न्यायालयीन कोठडी मिळाल्यानंतर जामीनासाठी अर्ज कधी करायचा हा निर्णय आम्ही सर्व परिवार मिळून घेऊ. हे सगळं प्रकरण न्यायालयीन प्रक्रियेचा विषय आहे. न्यायालयीन प्रक्रिया सुरू असताना मी बाहेर यावर बोलणं चुकीचं आहे. हे प्रकरण न्यायप्रविष्ठ आहे त्यामुळे मला ज्यावेळी यावर बोलायचं आहे, माझी बाजू मांडायची आहे त्यावेळी मी योग्य वेळी आणि योग्य ठिकाणी बोलेल, असं रोहिणी खडसे म्हणाल्या.
Pune Rave Party News: रेव्ह पार्टीतून उचललं, खडसेंच्या जावयाला घरी नेऊन तिथंही झाडाझडती, छाप्यात काय-काय सापडलं?
जी केस दाखल झालेली आहे ती एनडीपीएस अॅक्टच्या अंतर्गत आहे. त्या कलमानुसार ही चौकशी होणं अपेक्षित आहे. ही चौकशी त्या दिशेने झाली पाहिजे अशी मागणी केली होती. मी सीपी कार्यालयात माझ्या मिस्टरांना वकील म्हणून भेटायला गेले होते, काही माहिती हवी होती. कारण दुसऱ्या दिवशी मला कोर्टात हजर रहायचं होतं. सीपी कार्यालयातच गेले असल्याने सीपी साहेबांनाही भेटल्याचं रोहिणी खडसेंनी सांगितलं.
Pune Rave Party Raid: पुण्यात पोलिसांची मोठी कारवाई; गेस्ट हाऊसवरील रेव्ह पार्टी उधळली, बड्या नेत्याचा जावई रंगेहाथ सापडला
महिला आयोगाच्या अध्यक्षा रूपाली चाकणकर यांनी केलेल्या टीकेवर बोलताना, योग्य वेळी प्रत्येकाला उत्तर देणार आहे, असं रोहिणी खडसेंनी म्हटलं आहे. त्यानंतर पत्रकारांनी हा सगळा ट्रॅप आहे? महाराष्ट्रातील विरोधी नेते आहेत त्यांना टार्गेट केलं जातंय का? या प्रश्नावर बोलताना, असं म्हणायला जागा आहे. महाराष्ट्रात प्रत्येकाला असंच काहीसं वाटत असल्याची प्रतिक्रिया रोहिणी खडसेंनी दिली.