मलेरियाचे प्रमाण खूप वाढले आहे

मुंबईमध्ये यावर्षी मलेरियाचे प्रमाण खूप वाढले आहे. गेल्या वर्षी याच काळात २,८५२ रुग्ण होते. यावर्षी हा आकडा ४,१५१ वर पोहोचला आहे. डेंग्यूच्या रुग्णांची संख्या देखील वाढली आहे. गेल्या वर्षी डेंग्यूचे ९६६ रुग्ण होते, तर यावर्षी १,१६० डेंग्यूचे रुग्ण आढळले आहेत. जुलैच्या दुसऱ्या पंधरवड्यात ४२६ डेंग्यूचे रुग्ण आढळले. इतकेच नाही तर, चिकनगुनियाच्या रुग्णांमध्येही मोठी वाढ झाली आहे. गेल्या वर्षी ४६ चिकनगुनियाचे रुग्ण होते, यावर्षी ते २६५ रुग्ण झाले आहेत. मागील पंधरादिवसात ८६ रुग्ण आढळून आले आहेत.
वसई-विरार महापालिकेत मोठा बांधकाम घोटाळा; प्रतिचौरस फूट १० ते २५ रुपये कमिशन, ईडीचा धक्कादायक खुलासा

मुंबई महापालिकेचा इशारा

इतर साथीचे आजार जसे, लेप्टोस्पायरोसिस आणि गॅस्ट्रोएन्टेरिटिसच्या रुग्णांमध्ये थोडी घट झाली आहे. पण हॅपेटायटीस ए आणि ई च्या रुग्णांमध्ये वाढ झाली आहे. जानेवारी ते जुलै २०२५ पर्यंत हॅपेटायटीसचे ६१३ रुग्ण आढळले आहेत. BMC ने नागरिकांसाठी आरोग्यविषयक सूचना जारी केल्या आहेत. घरात आणि आसपास साचलेले पाणी साफ करणं. कुठेही कचरा साठू न देणं. मच्छरदाणीचा वापर करणं. उकळलेले पाणी पिणे आणि रस्त्यावरील अन्नपदार्थ टाळणे. तसेच ताप आल्यास दुर्लक्ष करू नये. असा इशारा मुंबई महापालिकेतर्फे देण्यात आला आहे.
Pune News : पाण्याचे मीटर बसवणार नाही म्हणणाऱ्यांनो एकदा ही बातमी वाचाच, पुणे महापालिका अॅक्शन मोडमध्ये, त्या लोकांवर…
BMC ने ‘आपली चिकित्सा योजना’ पुन्हा सुरू केली आहे. यामध्ये सामान्य रक्त चाचण्या, लघवीचे विश्लेषण आणि इतर चाचण्या कमी किमतीत उपलब्ध आहेत. चाचणीचे निकाल व्हॉट्सॲपवर मिळतील. डॉक्टरांनी सांगितले की, पावसाळ्याच्या सुरुवातीला पाणी साचल्यामुळे आणि त्यानंतर पडलेल्या पावसामुळे रुग्णांची संख्या वाढली आहे. लोकांमध्ये जागरूकता वाढल्यामुळे चाचण्यांची संख्या देखील वाढली आहे.