छत्रपती संभाजीनगरमधून एक मोठी बातमी समोर येत आहे. शहरात बनावट नोटांचा कारखाना कार्यरत होता. पोलिसांनी याचा शोध घेत तो उद्धवस्त केला आहे. तब्बल 88 लाखांचा मुद्देमाल जप्त करण्यात आला आहे.
सिगारेट अन् पोलिसांनी ठोकल्या बेड्या
या घटनेचा तपास पोलिसांनी सुरू करण्याचं कारण ठरलं सिगारेट. 27 जुलैला आंबीलवाडी भागात दोन जण पोलिसांनी ताब्यात घेतली. ते दोघं 500 रुपयांच्या बनावट रुपयांचा वापर करत सिगारेट खरेदी करत होते. पोलिसांनी बेड्या ठोकत त्यांच्याकडून 80 हजारांच्या बनावट नोटा आणि मुद्देमाल जप्त केला. पोलिसांनी त्यानंतर छापखान्यावर धाड ठाकली. हा छापखाना वाळूंज येथे कार्यरत होता. तेथे बनावट नोटा तयार करण्यासाठी वापरली जाणार शाई, कागद इत्यादी साहित्य जप्त केले गेले. यापासून 2 कोटी 16 लाखांच्या नोटा तयार झाल्या असत्या.
आरोपी गजाआड
या प्रकरणी प्रदीप कापरे, सोमनाथ शिंदे, विनोद अर्बट, आकाश बनसोडे, शिवाजी गंगर्डे, अनिल पवार यांना अटक केली असून मुख्य सुत्रधार अंबादास ससाणे फरार आहे. फरार आरोपीचा शोध पोलिसांकडून करण्यात येत आहे. अटक करण्यात आलेल्यांपैकी तीन आरोपी छत्रपती संभाजीनगरात बनावट नोटा तयार करण्याचे काम करत होते. तर प्रदीप कापरे हा बनावट नोटा विक्रीसाठी घेऊन जात असे. या टोळीने 50 हजार रुपये देत 1 लाखांच्या नोटा दिल्या होत्या.
आरोपींचा मोठा प्लॅन उद्धवस्त
या टोळीला बाजारात मोठ्या प्रमाणात बनावट नोटा वितरित करायच्या होत्या आणि त्यातून माल कमावयाचा त्यांचा इरादा होता. पण पोलिसांच्या हस्तक्षेपामुळे आणि सतर्कतेमुळे हे रॅकेट उद्धवस्त झाले. आणि आरोपींना गजाआड करण्यात आले. अहिल्यानगर पोलिस ठाण्याचे सहाय्यक पोलिस निरीक्षक प्रल्हाद गितेंनी कारवाईचे नेतृत्व केले.
लेखकाबद्दलनारायण परब नारायण परब,महाराष्ट्र टाइम्स मध्ये कन्सल्टंट म्हणून कार्यरत आहे. २०१७ पासून डिजिटल मीडियामध्ये विविध वेबपोर्टलसाठी काम केले आहे. नवराष्ट्रसाठी कंटेन्ट रायटर म्हणून काम केले असून विविध इंस्टाग्राम पेजसाठी ही कंटेन्टची निर्मिती केली आहे. जनसंपर्क क्षेत्रातही फ्रिलान्सर म्हणून काम करण्याचा अनुभव. ऑल इंडिया रेडिओसाठीही काम केले आहे . क्रीडा, राजकारण, देश-विदेश, मनोरंजन, करिअर, ऑटो या कार्यक्षेत्रांमध्ये विशेष रस. साठये महाविद्यालयातील माध्यम विभागात २०१७ पासून व्याख्याता म्हणून कार्यरत.… आणखी वाचा