धाराशिव तालुक्यातील आळणी येथील तानाजी नानासाहेब भराडे या शेतकऱ्याने आपल्या आयुष्याची अखेर केली आहे. त्याला पत्नीचे अनैतिक संबंध सहन न झाल्यामुळे त्याने गळफास घेत आपल्या आयुष्याची दोर नेहमीसाठी कापली.

धाराशिव शहरातील एका पुरुषाबरोबर पत्नीचे अनैतिक संबंध होते. ही गोष्ट जेव्हा पतीला समजली तेव्हा ते नैराश्यात गेले आणि त्यांनी गळफास घेऊन आपल्या आयुष्याची अखेर केली. ही घटना धाराशिव तालुक्यात घडली आहे.

पत्नीच्या प्रियकराकडून वारंवार तानाजी भराडे यांना मानसिक त्रास होऊ लागला होता, त्यामुळे त्यांनी हे टोकाचे पाऊल उचलले आहे. पत्नी अनुराधा आणि धाराशिव शहरातील बालाजी घाडगे यांच्या मानसिक त्रासाला कंटाळून मी जीव देत असल्याचं त्यांनी सांगितलं. आपला जीव देण्यापूर्वी या शेतकऱ्याने एक व्हिडिओ काढला, यामध्ये तानाजी भराडे यांनी म्हटलं आहे की, याप्रकरणी आनंदनगर पोलीस स्टेशनला गुन्हा दाखल झाला असून दोन व्यक्तींविरोधात गुन्हा दाखल झाला आहे. या प्रकरणाचा तपास पोलीस सहाय्यक निरीक्षक उद्धव हाके हे करत आहेत. या घटनेने परिसरात एकच खळबळ माजली आहे.
Delhi CA Case: तोंडात पाईप, मास्क, प्लास्टिकने केलं सील अन् मग हेलियम गॅस… CA ने इतक्या भयंकर पद्धतीने जीव का दिला?

25 वर्षीय सीएने आपल्या आयुष्याची अखेर केली

दिल्लीत 25 वर्षांच्या चार्टर्ड अकाउंटंट धीरज कंसल नावाच्या तरुणाने आपल्या आयुष्याची अखेर केली. त्याने एकाकीपणातून हे पाऊल उचलल्याचं सांगितलं जात आहे. पण, जीव देण्यासाठी या सीएने अत्यंत भयंकर पद्धत अवलंबली. त्याने हॉटेलच्या एका खोलीत या तरुणाचा मृतदेह सापडला. त्याच्या तोंडात पाईप होता आणि त्याने याला मास्क आणि प्लास्टिकने सील केलं होतं. त्यानंतर त्याने यातून हेलियम गॅस घेतली आणि त्याचा दुर्दैवी अंत झाला. पोलिसांना त्याच्याजवळ एक सुसाईड नोटही सापडली ज्यामध्ये त्याने जीव देणं हे त्याच्यासाठी अधिक सोपं आहे. महादेवाने त्याला आजपर्यंत जिवंत का सोडलं? असंही विचारलं आहे. या घटनेने साऱ्यांना धक्का बसला आहे.